Shymkenttik turǵyn alty balany órtten aman alyp qaldy, dep habarlaıdy "Adyrna" tilshisi Otyrar.kz-ke siltep.
Marına Gafarova esimdi áıel kórshisiniń órtenip jatqan úıine kirip, alty balany aman alyp qaldy.
Oqıǵa bolǵan túni Marına otqa oranǵan balalardyń kómekke shaqyrǵan daýysyn estip, kómekke asyqqan. Órtke oranǵan úıden balalardyń daýsyn estigen áıel órt sóndirýshilerdi kútetin ýaqyttyń joq ekenin uqqan.
Ol oılanbastan úıdiń terezesin syndyryp, órtenip jatqan kórshi úıge kirip kámeletke tolmaǵan alty balany alyp shyqqan.
Erlik jasaǵan turǵyndy qutqarýshylar marapattady.
Marınanyń tórt balasy bar. Ol órtti kórgende kómekke asyǵyp, úıden jalańaıaq júgirip shyqqanyn aıtady.
Úılerimiz bir-birine óte jaqyn ornalasqan. Balalardyń jylaǵanyn estip, júgirip shyqtym. Munda gaz ballony bar eken. Ol kez kelgen mınýtta jarylyp ketýi múmkin edi" – dedi Marına.
Ol úıdegi gaz ballondy kórgende birden kúıeýin kómekke shaqyrǵan.
Basylymnyń aqparatynsha, alty balanyń anasy olardy jaldamaly úıde qaraýsyz qaldyrǵan. Alty bala uıyqtamaı, otpen oınaǵan.
Áıel osy úıden kámeletke tolmaǵan alty balany qutqaryp, erlik kórsetti. Órttiń shyǵý sebebi – balalardyń otqa abaısyz qaraýy, – dedi Shymkent qalalyq Tótenshe jaǵdaılar departamenti bastyǵynyń orynbasary Erkin Otarǵalymuly.
Marına Gafarova qutqarylǵan balalardyń ata-analary tipti alǵys ta aıtpaǵanyn jetkizdi.
