Qazaqstan mūsylmandary dıni basqarmasy jasandy intellekt negızınde jūmys ısteitın IMAM AI mobildı qosymşasyn ıske qosudy josparlap otyr, dep habarlaidy "Adyrna" ūlttyq portaly.
Jaŋa joba jönınde QMDB töraǧasy, bas müfti Nauryzbai qajy Taǧanūly 2026 jylǧa arnalǧan baǧdarlamalyq baiandamasynda mälımdedı.
Onyŋ aituynşa, jasandy intellekt tehnologiialaryn dıni salaǧa engızu imamdardyŋ jüktemesın azaityp, jamaǧattyŋ senımdı dıni aqparatqa jedel qol jetkızuıne mümkındık beredı.
«Zaman talabyna sai jasandy intellekt mümkındıkterın dıni salada jüielı türde qoldanuymyz qajet. Būl halyqtyŋ dıni sūraqtaryna naqty ärı senımdı jauap beruge, sondai-aq dın qyzmetkerlerınıŋ jūmysyn jeŋıldetuge jol aşady. Osyǧan bailanysty senımdı derekközderge süienıp, dıni saualdarǧa jedel jauap beretın “IMAM AI” mobildı qosymşasyn ūsynamyz», – dedı bas müfti.
Josparǧa säikes, IMAM AI kündelıktı ömırde tuyndaityn dıni sūraqtarǧa naqty uaqyt rejimınde jauap beredı.
