قازاقستان مۇسىلماندارى ءدىني باسقارماسى جاساندى ينتەللەكت نەگىزىندە جۇمىس ىستەيتىن IMAM AI ءموبيلدى قوسىمشاسىن ىسكە قوسۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى.
جاڭا جوبا جونىندە قمدب توراعاسى، باس ءمۇفتي ناۋرىزباي قاجى تاعانۇلى 2026 جىلعا ارنالعان باعدارلامالىق بايانداماسىندا مالىمدەدى.
ونىڭ ايتۋىنشا، جاساندى ينتەللەكت تەحنولوگيالارىن ءدىني سالاعا ەنگىزۋ يمامداردىڭ جۇكتەمەسىن ازايتىپ، جاماعاتتىڭ سەنىمدى ءدىني اقپاراتقا جەدەل قول جەتكىزۋىنە مۇمكىندىك بەرەدى.
«زامان تالابىنا ساي جاساندى ينتەللەكت مۇمكىندىكتەرىن ءدىني سالادا جۇيەلى تۇردە قولدانۋىمىز قاجەت. بۇل حالىقتىڭ ءدىني سۇراقتارىنا ناقتى ءارى سەنىمدى جاۋاپ بەرۋگە، سونداي-اق ءدىن قىزمەتكەرلەرىنىڭ جۇمىسىن جەڭىلدەتۋگە جول اشادى. وسىعان بايلانىستى سەنىمدى دەرەككوزدەرگە سۇيەنىپ، ءدىني ساۋالدارعا جەدەل جاۋاپ بەرەتىن “IMAM AI” ءموبيلدى قوسىمشاسىن ۇسىنامىز»، – دەدى باس ءمۇفتي.
جوسپارعا سايكەس، IMAM AI كۇندەلىكتى ومىردە تۋىندايتىن ءدىني سۇراقتارعا ناقتى ۋاقىت رەجيمىندە جاۋاپ بەرەدى.
