İranda «şahidterdı» eske aluǧa arnalǧan üş kündık ūlttyq aza jariialandy. Qūqyq qorǧau ūiymdarynyŋ mälımetınşe, elde ükımetke jäne ekonomikalyq daǧdarysqa qarsy ekı aptaǧa sozylǧan jappai narazylyqtar saldarynan 500-den astam adam qaza tapqan. Būl turaly halyqaralyq aqparat qūraldary mälımdedı, dep habarlaidy "Adyrna".
İrannyŋ ışındegı jäne şeteldegı belsendılerge süiengen AQŞ-ta ornalasqan HRANA qūqyq qorǧau ūiymynyŋ deregınşe, ekı apta ışınde 490 narazylyq bıldıruşı men qauıpsızdık küşterınıŋ 48 qyzmetkerı köz jūmǧan. Sonymen qatar, 10 600-den astam adam qamauǧa alynǧan. Būl mälımetterdı Reuters agenttıgı taratty. Alaida agenttık būl aqparatty täuelsız türde rastau mümkın bolmaǧanyn atap ötedı.
İran bilıgı qaza tapqandar sanyna qatysty resmi statistikany jariialaǧan joq. Soǧan qaramastan, memlekettık aqparat agenttıkterı jeksenbı künı «AQŞ pen sionistık rejimge qarsy küres kezınde qaza tapqan şähidterdı eske alu maqsatynda» elde üş kündık ūlttyq aza tūtu jariialanǧanyn habarlady.
Narazylyqtar elde basylar emes. Kerısınşe, qaza tapqandar sanynyŋ artuy men internettıŋ jappai öşırıluı jaǧdaidy odan ärı uşyqtyrǧan. 8 qaŋtardan bastap İran aumaǧynda internet bailanysy şektelıp, äleumettık jelıler men messendjerlerge qoljetımdılık kürt tömendegen.
Saiasi şielenıs te küşeiıp keledı. Tegeran eger AQŞ prezidentı Donald Tramp narazylyq bıldıruşılerdı qoldap, İrandaǧy jaǧdaiǧa aralasu turaly aitqan qauıpterın jüzege asyrsa, amerikalyq äskeri bazalarǧa soqqy beruı mümkın ekenın eskerttı.
Aita keteiık, İrandaǧy jappai narazylyqtar 28 jeltoqsanda elde baǧanyŋ kürt qymbattauyna bailanysty bastalyp, keiın ükımetke qarsy saiasi sipattaǧy aksiialarǧa ūlasqan. İran bilıgı tärtıpsızdıkterdı qozdyrdy dep AQŞ pen İzraildı aiyptap, düisenbı künı atalǧan elderdıŋ «terroristık äreketterın» aiyptau maqsatynda jalpyhalyqtyq miting ötkızuge şaqyrdy.
Qazırgı taŋda İrandaǧy jaǧdai halyqaralyq qauymdastyqtyŋ nazarynda. Sarapşylar eldegı ekonomikalyq qiyndyqtar men saiasi qysymnyŋ qatar küşeiuı ahualdy odan ärı tūraqsyzdandyruy mümkın ekenın aituda.
