Özbekstannyŋ halyq ärtısı Iýlduz Usmanova Niu-Iorktegı «Okean» teatrynda 9 mamyrǧa josparlanǧan konsertı töŋıregındegı janjalǧa qatysty pıkır bıldırdı, dep habarlaidy «Adyrna» tılşısı Podrobno.uz-ǧa sılteme jasap.
Qazırgı taŋda Braiton-Bichte Usmanovanyŋ konsertın toqtatudy talap etıp jatyr. Būǧan deiın amerikalyq saiasatkerler Maikl Novahov pen Brius Bleikman änşını antisemitizmge aiyptap, onyŋ öşpendılıkke toly ritorika qoldanǧanyn alǧa tartqan edı. Sol sebeptı olar AQŞ Memlekettık departamentınen öner iesınıŋ vizasyn joiudy talap etken.
«Eger sender, sionister, men keşırım sūraidy dep oilasaŋdar, qatty qatelesesıŋder», — dedı Usmanova.
Änşınıŋ pıkırınşe, narazylyqtardyŋ küşeiuı jergılıktı saiasi üderıster men sailaularǧa bailanysty, al būl tek «onyŋ tanymaldyǧyna jūmys ıstep jatyr».
«Maǧan senderdıŋ ısteitın jūmystaryŋ bolmai, maǧan qarsy şyǧyp otyrǧandaryŋ quanyş syilaidy. Demek, men senderdı jaqsylap qozǧai alady ekenmın», — dep qosty ol.
Öz sözınde ärtıs palestina-izrail qaqtyǧysyna qatysty közqarasyn taǧy da bıldırıp, Palestina aumaǧyn onyŋ baiyrǧy jerı dep sanaitynyn atap öttı.
«Mümkın, sender ejelgı halyq şyǧarsyŋdar, bıraq sender — jaŋa memleketsıŋder, İzrail. Amerika — İzrail emes. Sondyqtan özderıŋdı qojaiynbyz dep oilamaŋdar», — dedı ol.
Saiasatkerlerdıŋ talaptary men teatr ǧimaraty maŋynda josparlanǧan narazylyq aksiialaryna qaramastan, Usmanova konsertke biletterdıŋ tügel satylyp ketkenın habarlady. Ol körermendermen kezdesuler aldaǧy uaqytta da jalǧasatynyna senım bıldırdı.
«Alla maǧan talant bergenşe, men än aita beremın. Adamzat üşın än aitamyn. Al ädıldık tübınde ornaidy», — dep tüiındedı änşı.
