İrannyŋ İslamşehr qalasynda qaiǧyly oqiǧa oryn aldy. 18 jastaǧy Fateme Soltani esımdı qyzdy tuǧan äkesı pyşaqtap öltırdı.
BAQ betterınde, qaiǧyly oqiǧaǧa sebep - qyzdyŋ äielder salonynda jūmys ısteuı delıngen.
“Fateme Soltani äkesınen qorqyp, sūlulyq salonynda jūmys ısteitının jasyrǧan. Alaida äkesı onyŋ jūmys ornyn anyqtap, klient retınde salonǧa habarlasyp, mekenjaiyn bılıp alǧan”, delıngen BAQ betterınde.
Al VVS-ge qyzdyŋ bauyry bergen sūhbatynda, qyz äkesınıŋ anasyna jasaǧan qiianatyn bılgendıkten öltırgen.
Äkesı ony köşede öltırgennen keiın, özı polisiiaǧa berılgen.
Alǧaşqy tergeude ol öz äielımen arasy naşar bolǧanyn aityp, äielınen kek alu üşın osy äreketke barǧanyn aitqan.
Mälımetke qaraǧanda, endı äielı men ūly äkesıne qysas jazasyn sūrap otyr. Iаǧni, öş alu, äkesın de ölım jazasyna kesu.
Oqiǧa ornynda bolǧan kuägerlerdıŋ aituynşa, er adam pyşaqpen sūlulyq salonyna kırıp, qyzyn şaşynan ūstap, bırneşe ret pyşaqtaǧan. Ol qyzyn öltırmek bolyp, basyn kesuge tyrysqan, bıraq syrttaǧy adamdardyŋ aiqaiynan keiın oqiǧa ornynan qaşyp ketken.
Keiınırek ol äielıne qoŋyrau şalyp: "Men senı osy qaiǧymen qaldyrdym" degen.
Qūqyq qorǧau organdarynyŋ mälımetınşe, qylmysker ūstalyp, oǧan qatysty qylmystyq ıs qozǧaldy. Fateme äkesınıŋ jiı körsetetın zorlyq-zombylyǧynan qaşyp, bölek tūruǧa mäjbür bolǧan.
Būl oqiǧa İrandaǧy äielderdıŋ qūqyqtary men otbasylyq zorlyq-zombylyq mäselelerıne qoǧam nazaryn audardy. Mysaly, 2024 jyldyŋ nauryzynan qyrküiek aiyna deiın İranda tuystary nemese otbasy müşelerı tarapynan 78 äiel öltırılgenı habarlanǧan.
