Timur Eleusızov «Jasyl-Almaty» basşysy bolyp taǧaiyndaldy. Būl turaly qala äkımdıgı jazdy, dep habarlaidy «Adyrna» tılşısı.
Şahar basşysy Darhan Satybaldynyŋ tapsyrmasymen qūrylǧan mekeme qala aumaǧyndaǧy saiabaqtardy, skverlerdı jäne jaǧalaulardy kütıp ūstau men qyzmet körsetumen ainalysady.
Jaŋa qūrylymnyŋ negızgı mındetı — jasyl aumaqtarǧa jüielı kütım jasau, tärtıp ornatu, sondai-aq olardy kütıp ūstau boiynşa jauapkerşılıktı naqty böle otyryp, täjıribelık nätijege baǧyttalǧan bıryŋǧai täsıldı qalyptastyru.
«Jasyl-Almaty» KMM-nı qūru turaly şeşım qaladaǧy jasyl qordy basqaru salasynda jinaqtalǧan mäselelerdı, bıryŋǧai operatordyŋ bolmauyn jäne jasyl jelekterge kütım jasaudaǧy bytyraŋqy täsıldı eskere otyryp qabyldandy»,- delıngen habarlamada.
Aita keteiık, «Jasyl-Almaty» – «Zelenstroidyŋ» zamanaui balamasy.
39 jastaǧy Timur Eleusızov Tūran universitetın «Qūqyqtanu» mamandyǧy boiynşa tämamdaǧan. 2000-2019 jyldary aralyǧynda «Qazaqstan qauymdastyqtary men käsıporyndary Odaǧy «Tabiǧat» JM jobalardyŋ üilestıruşı-menedjerı, töraǧanyŋ orynbasary bolyp jūmys ıstedı. 2019 jyldan bastap «Eco Fund Tabigat» JQ negızın qalauşy, qūryltaişysy, töraǧasy boldy. 2021 jyldan bastap «Kaz Eco Patrol» QB negızın qalauşy, qūryltaişysy, töraǧasy, «AOK» töraǧasy (Qazaqstannyŋ kögaldandyru qauymdastyǧy) bolyp qyzmet atqardy. 2020 jyldan bastap eko-ambassador. «Sosnovyi Bor Almaty» Qoǧamdyq ekoparkınıŋ negızın qalauşy. Parlament Mäjılısınıŋ janyndaǧy «Ösımdıkter älemı turaly» jäne «Ösımdık älemı mäselelerı boiynşa QR keibır zaŋnamalyq aktılerıne özgerıster men tolyqtyrular engızu turaly» QR Zaŋdarynyŋ jobalary boiynşa qorytyndylar daiyndau jönındegı jūmys tobynyŋ müşesı. Partiiaǧa müşe emes. 2023 jyldyŋ nauryz aiynan bastap VIII sailanym boiynşa Almaty qalasy mäslihatynyŋ deputaty.
