2024 jyly 3 aqpanda Soltüstık Qazaqstan oblysy polisiia departamentınıŋ qyzmetkerlerı “Tiolain" kompaniiasy teŋ ielerınıŋ bırı Viktor Dolgalev jer qoinauyn rūqsatsyz paidalanǧany üşın ūstady, dep habarlaidy “Adyrna” ūlttyq portaly.
Qazırgı ol uaqytşa ūstau izoliatoryna qamaldy. Qylmystyq ıstı odan ärı tergep-tekseruge oblys boiynşa qarjylyq monitoring agenttıgıne berıldı.
Būdan basqa, V.Dolgalevke qatysty asa ırı kölemde kırıs alu arqyly zaŋsyz käsıpkerlıkpen ainalysqany üşın tergeu jürgızılıp jatyr.
"Tergeu mälımetterı boiynşa, 2021 jyldyŋ nauryz aiynda İndustriia jäne infraqūrylymdyq damu ministrlıgı kompaniianyŋ 38 mlrd teŋgege qarjylyq jäne investisiialyq mındettemelerın oryndamauyna bailanysty "Obuhovskoe" ken ornynda jer qoinauyn paidalanu boiynşa kelısımşartty merzımınen būryn toqtatqan", – dedı qarjylyq monitoring agenttıgınıŋ resmi ökılı Älıbek Äbdılov.
Joǧarǧy sot qūzyrettı organnyŋ ıs-qimyldarynyŋ zaŋdylyǧyn rastady.
Sonymen qatar 2020 jyldyŋ 1 mausymynda sot şeşımımen V.Dolgalevke "Tiolain" kompaniiasynyŋ mülkın basqaruǧa tyiym salyndy.
Būǧan qaramastan, V.Dolgalev özınıŋ baqylauyndaǧy qūrylymdar arqyly zaŋsyz tau-ken öndırısın jalǧastyryp, Qytaiǧa jäne basqa elderge sūr shemalar boiynşa eksporttaǧan körınedı.
"Tek üş jyl ışınde (2021-2023 jj.) 113 myŋ tonnaǧa juyq ken eksporttaldy. Mamannyŋ qorytyndysy boiynşa qylmystyq tabystyŋ jalpy somasy 26 milliard teŋgeden asty. Būl qarajatqa enşıles tūlǧalar arqyly ken ornyna ırgeles jatqan 7,5 myŋǧa juyq gektar auyl şaruaşylyǧy maqsatyndaǧy jerler satyp alynyp, ol jerde de zaŋsyz ken öndıru jürgızılgen. 2 milliard teŋgege biudjetke tölenetın salyqtar men tölemderden jaltaru faktılerı anyqtaldy. Qazırgı uaqytta jasalǧan qylmystyŋ barlyq män-jaiyn anyqtauǧa baǧyttalǧan tergeu äreketterı jürgızılıp jatyr. QR QPK-nıŋ 201-baby tärtıbındegı özge de aqparat jariia etuge jatpaidy", – dedı Älıbek Äbdılov.
