Täuelsızdıktıŋ alǧaşqy jyldarynan bastap elımız jürgızgen köşı-qon saiasaty öz jemısın berıp ülgerdı. Köşpen bırge “Asyl bergek, altyn dıŋgek” bolatyn talai myqty, el qamyn jeitın azamattar keldı.
Bügın Düniejüzı qazaqtarynyŋ qauymdastyǧynyŋ ūiymdastyruymen Almaty qalasynda Qauymdastyqtyŋ jaŋa filial basşysy retınde aqyn, filosof, Qazaqstan Jazuşylar odaǧynyŋ müşesı, halyqaralyq Türkısoi ūiymy Bas hatşysynyŋ keŋesşısı Mūrathan Şoqandy tanystyru jiyny öttı.
Jiyn barysynda Töraǧanyŋ bırınşı orynbasary Zauytbek Tūrysbekovtıŋ taǧaiyndau hatyn onyŋ orynbasary Qarlyǧaş Bekpatşaqyzy men bas qarjyger Latifa Mukaevna jetkızdı.
Sondai-aq aqyn, «Ana tılı» gazetınıŋ bas redaktory Erlan Jünıs, «Aqiqat» jurnalynyŋ bas redaktory Däuırjan Tölebaev, «Zeinolla Sänık atyndaǧy mädeniet qorynyŋ» qūryltaişysy Qanat Zeinolla, aqyn Erbol Beiılhan, Almaty temırjol kölıgı kolledjınıŋ direktory Almas Qaliev, Jamali Dihanūly jäne özge de ziialy qauym ökılderı söz söilep, qoldau bıldıretınderın jetkızdı.
Erlan Jünıs Qauymdastyq tek şetelden kelgen qandastarǧa ǧana emes, jergılıktı qazaqtardy da qamtitynyn, är baǧytta tabysty jūmys jürgızu kerektıgın atap öttı.
Qanat Zeinolla tyŋ jobalarǧa qarjylai qoldau körsetuge daiyn ekenın aitty.
