Qyrǵyzstan Ulttyq qaýipsizdik memlekettik komıteti el basshylyǵyna qastandyq jasamaq bolǵan transulttyq uıymdasqan qylmystyq top múshelerin ustady. Bul týraly Kabar saıty jazdy, dep habarlaıdy “Adyrna” ulttyq portaly.
“Shetel azamattary men memleketaralyq izdeýde bolýy múmkin tulǵalardyń arasynan uıymdasqan qylmystyq toptardyń zańsyz áreketterin anyqtaý jáne jolyn kesýge baǵyttalǵan jedel is-sharalardy uıymdastyrý barysynda transulttyq uıymnyń músheleri - Ázerbaıjannyń 5 azamaty anyqtaldy”, delingen habarlamada.
Qyrǵyz Respýblıkasynyń ulttyq qaýipsizdik organdarynyń nazaryna túsken qylmystyq top: Alıev V.M., Bagırov S.A., Asgarov M.O., Behbýdov M.S. Al Mamedov Z.I.
Málimetke sáıkes, qylmys áleminde "qańǵybas" degen laqap atymen belgili M. Asgarov qylmystyq ortany nyǵaıtý jáne urylar ıdeologııasyn taratý, sondaı-aq óziniń mártebesin arttyrý maqsatynda memleket júrgizip jatqan uıymdasqan qylmystyq topqa qarsy belsendi kúres saıasatyna baılanysty el basshylyǵyna qastandyq jasaý úshin seriktesterimen qyrǵyz aýmaǵyna kelgen.
Osyǵan baılanysty Qyrǵyz Respýblıkasynyń Ulttyq qaýipsizdik memlekettik komıteti 2024 jylǵy 22 naýryzda jedel-izdestirý sharalaryn júrgizip, nátıjesinde joǵaryda atalǵan tulǵalardyń barlyǵy ustaldy.
Qazirgi ýaqytta olardy Qyrǵyz Respýblıkasynyń zańnamasyna sáıkes jaýapkershilikke tartý boıynsha sharalar júrgizilip jatyr.
