Bügın qazaq jäne keŋes jazuşysy, dramaturg, publisist, qoǧam qairatkerı, bas sätbaevtanuşy jäne Semei poligonyndaǧy şyraqşy Medeu Särsekeevtıŋ tuǧanyna 90 jyl toldy, dep habarlaidy “Adyrna”.
Medeu Särseke 1936 jyly 2 qaŋtarda Şyǧys Qazaqstan oblysy Abai audany Qainar auylynda tuǧan.
Ol qazaq ken-metallurgiia institutyn (qazırgı QazŪTU) bıtırgen (1958). 1958-1959 jyldary «Jas Alaş» gazetınde ädebi qyzmetker, bölım meŋgeruşısı, 1959-1963 jyldary Semei sement zauytynda master, aǧa dispetcher, önertapqyştar biurosynyŋ bastyǧy, 1963-1965 jyldary «Egemendı Qazaqstan» gazetınıŋ Şyǧys Qazaqstan oblysyndaǧy menşıktı tılşısı, 1965 jyldan Qazaqstan jazuşylar odaǧynyŋ Semei oblysaralyq bölımşesınde jauapty hatşy boldy.
«Ǧajaiyp säule» (1959), «Körınbestıŋ köleŋkesı» (1960), «Jetınşı tolqyn» (1964), «Ot jäne atom» (1965) povesterı jas jetkınşekterge arnalǧan. Öndırıs adamdary jaily «Jetı jyldyqtyŋ jıgıtterı» ocherkter kıtaby (1961), «Qaz qaitqanda» (1968), «Aişyqty mezet» (1969) derektı povesterı jariialandy.
«Sätbaev», «Ebınei Böketov» (2005) atty derektı ǧūmyrnamalaryn (1980, 1989), «Şyǧys hikaiasy» pesasyn (1971), «Jaŋǧyryq» (1979), «Kömbe» (1985) romandaryn jazdy. A.Beliaevtıŋ «Qos mekendı adam» romanyn qazaq tılıne audarǧan.
Sondai-aq, jazuşy Medeu Särsekenıŋ qazaq jäne orys tılderındegı «Semei qasıretı» jäne «Semipalatinskaia tragediia» hikaiattary 2016 jyly jaryq körgen bolatyn.
Derektı tarihi hikaiat – Qazaq elınıŋ, Jer-suynyŋ, Taǧdyrynyŋ qasıretın tolǧaǧan kemel tuyndy. Būl ensiklopediialyq sipattaǧy kesek şyǧarmada qisapsyz mol materialdar, aiǧaq-derekter jinaqtalyp, jüielenıp naqtyly baiandalǧan, tarihi-filosofiialyq jinaqtaular men tūjyrymdar jasalǧan. Mysaly, «Semei qasıretı» kıtabynyŋ «Japon halqyna qymbat «syilyq», «AQŞ qyrǧilarymen taitalasta», «Qazaq saharasy – synaq alaŋy», «Qyr elınıŋ tarihy şertken syr», «Mamyrajai jaz edı», «Qorǧauşysy joq el jetım», «Müsäpır eldıŋ taǧdyryn kım oilaidy», «Mūhamedǧali Sujikov ne üşın qudalandy?», «Qisapsyz köp jarylys kım üşın?», «Radiasiia külınıŋ astyndaǧy tırlık», «Jazanyŋ auyry – keşıkken şyndyq», «Eŋıregen er qaida atqa mıngen?», «Zaman ozyp, zaŋ tozǧan jyldarda», «Jaraly jerde jaŋǧyrǧan el», «Semei poligonyn kım japty?», «Adasular, ötırık jäne aqiqat» deitın dastanǧa laiyq auqymdy taraularynda zamana keipı, däuır şyndyǧy, tūtas adamzat qauymyna zūlymdyq jasaǧan el bileuşılerınıŋ jyrtqyştyq, zymiiandyq, äperbaqandyq äreketterı, halyq qabyrǧasyn qaiystyruy sonşalyqty däiektı, süiektı dälelderımen äŋgımelenedı.
«Qūrmet» ordenımen (2001), «Eŋbektegı erlıgı üşın» medalımen (1970), Qazaqstan Joǧary Keŋesınıŋ Qūrmet gramotasymen marapattalǧan.
