Europalyq Odaqtyŋ sanksiialar jönındegı halyqaralyq arnaiy ökılı Devid O ‘ Sallivan Qazaqstanǧa keldı, dep habarlaidy “Adyrna” ūlttyq portaly Ūlysmediaǧa sıltep.
Ökıl Resei bilıgımen sanksiialarǧa qatysty qandai mäseleler talqylanyp jatqanyn aitty. EO diplomaty Qazaqstannyŋ odaqtaǧy eŋ ırı mūnai jetkızuşı ekenın atap öttı.
Odan bölek, Sallivan europalyq taraptyŋ Qazaqstannan Reseige sanksiialyq tauarlardy qaita eksporttauyna alaŋdau baryn mälımdedı.
“Bızdıŋ qaita eksporttau baǧytyna alaŋdaimyz. Ülken eksporttyŋ jürıp jatqanyn körıp otyrmyz. Basynan bastap Qazaqstannyŋ sanksiialarǧa qosylmau turaly şeşımın qūrmetteitınımız jaiynda ūstanymymyz jariialandy. Bar sūraitynymyz - būl G7 elderınıŋ sanksiialaryn ainalyp ötuge mümkın beretın el boluǧa jol bermeu. Bız mūndai jaǧdai bolmaitynyna jäne äskeri maqsattaǧy būiymdar Reseige qaita baǧyttalmaitynyna kepıldık berılgenıne quanyştymyz”, - dedı ol.
Aita keteiık, EO ökılı Qazaqstanǧa alǧaş kelgende «Astana Mäskeuge qatysty şekteulerdı saqtamady» degen pıkır bıldırgen edı.
Ūqsas jaŋalyqtar
