Reseı áleýmettik jelide Qazaqstan turǵyndaryn jarnama arqyly áskerge tarta bastady. Bul týraly Reuters jazdy, dep habarlaıdy «Adyrna» tilshisi.
«Jarnamada Qazaqstan men Reseı týlary kórinedi jáne «Plechom k plechý» (Iyq tirese) degen uran jazylǵan. Avtorlar Reseı qorǵanys mınıstrligimen kelisimshartqa otyrǵandarǵa bir rettik 495 myń rýbl, keıin aı saıyn 190 myń rýbl tóleýge ýáde berip otyr»,—dep jazdy basylym.
Jarnamalarda Sahalın aımaǵyndaǵy Reseı áskerine qosylý múmkindigin usynatyn veb-saıt kórsetilgen.
Eske salaıyq, Qazaqstan úkimeti Reseıdiń Ýkraınaǵa qarsy ashqan soǵysyn qoldamaıdy jáne jurtshylyqty beıbitshilikke shaqyrady.
Qazaqstan zańnamasy boıynsha sheteldegi áskerı qaqtyǵystarǵa aqyly túrde qatysý zańsyz bolyp esepteledi.
