Qazaqstan Prezidentı Qasym-Jomart Toqaev Qyrǧyzstan prezidentı Sadyr Japarovqa qūttyqtau jedelhatyn joldady, dep habarlaidy "Adyrna" ūlttyq portaly.
Memleket basşysy Qazaqstan halqynyŋ jäne öz atynan qyrǧyz halqyn Täuelsızdık künımen qūttyqtady.
Toqaev qūttyqtauynda qazaq-qyrǧyz qatynastarynyŋ san qyrly strategiialyq serıktestık pen odaqtastyq negızınde damyp kele jatqanyn atap öttı.
"Elımız qazaq-qyrǧyz san qyrly strategiialyq serıktestıgı men odaqtastyǧyn odan ärı tereŋdetuge basa män beredı. Bırlesken küş-jıger arqyly ǧasyrlardan tamyr tartatyn dostyq, tatu körşılık jäne özara qoldau ruhyndaǧy memleketaralyq bailanystardy nyǧaituda aitarlyqtai nätijege qol jetkızetınımızge senımım mol" – delıngen jedelhatta.
Ūqsas jaŋalyqtar
