Respublika künıne arnalǧan saltanatty jiynda Memleket basşysy Qasym-Jomart Toqaev Konstitusiiaǧa engızıletın aldaǧy özgerısterge toqtaldy, dep habarlaidy "Adyrna" ūlttyq portaly Aqordaǧa sılteme jasap.
Prezidenttıŋ aituynşa, Qazaqstan Ädılettı el qūru, iaǧni mümkındıkter men progress memleketıne ainalu maqsatynda auqymdy jaŋǧyru kezeŋıne qadam basty.
«Juyrdaǧy Joldauymda Parlament reformasyn bastau turaly aittym. Būl bastamany aldyn ala jariialau – elımızdegı saiasi prosesterdıŋ aşyqtyǧyn körsetedı. Zaŋ şyǧaru bilıgınıŋ jaŋǧyruy soŋǧy jyldary jüzege asyrylǧan özgerısterdıŋ zaŋdy jalǧasy bolady», – dedı Qasym-Jomart Toqaev.
Memleket basşysy josparlanǧan reformalar Parlamenttıŋ ökılettıgın jäne bedelın arttyruǧa baǧyttalatynyn aitty. Özgerıster tek Parlamentke ǧana emes, Prezident institutyna, Ükımetke jäne saiasi jüienıŋ özge de bölımderıne qatysty bolmaq.
«Tüzetulerdıŋ auqymyn jäne 2022 jylǧy konstitusiialyq reformalar aiasynda ıske asqan bastamalardy eskersek, būl özgerısterdı jaŋa Konstitusiia qabyldaumen salystyruǧa bolady», – dedı Prezident.
Sonymen qatar Toqaev Qazaqstannyŋ myqty prezidenttık basqaru jüiesın saqtauy qajet ekenın atap öttı.
«Būl – elımızdıŋ tūraqtylyǧyn qamtamasyz etudıŋ maŋyzdy şarty. Qazırgı kürdelı älemde keibır parlamenttık jüieler öz mındetın oryndai almai otyr. Bız memleketımızdıŋ tūtastyǧyna qauıp töndırmeuımız kerek jäne üstırt ūsynystarǧa ermeuımız qajet», – dedı Memleket basşysy.
Aita keteiık, Qasym-Jomart Toqaev Parlamenttık reforma jönındegı jūmys tobynyŋ alǧaşqy otyrysynda Konstitusiiaǧa özgerıs engızıletının aitqan edı. Sondai-aq, Prezident 8 qyrküiektegı halyqqa Joldauynda Qazaqstanda bır palataly Parlament qūru mümkındıgın atap ötken bolatyn
