Almatydaǧy atmosferalyq auanyŋ jaǧdaiy tek «Qazgidromet» RMK-nyŋ baqylau beketterınen alynǧan mälımetter negızınde jürgızıledı. Būl qyzmettıŋ barlyq qūrylǧysy sertifikattalǧan, memlekettık tızımge engızılgen jäne mındettı tekseruden ötken. Būl turaly Almatynyŋ ekologiia jäne qorşaǧan orta basqarmasy mälımdedı, dep habarlaidy "Adyrna".
Qala aumaǧynda 16 stasionarlyq baqylau beketı ornatylǧan. Osy beketterdıŋ derekterı boiynşa aua sapasynyŋ körsetkışterı qoldanystaǧy sanitarlyq-gigienalyq normativterge säikes qalyptastyrylady.
Būl rette, türlı jekemenşık nemese kalibrlenbegen qūrylǧylar taratatyn aqparat resmi bolyp sanalmaidy. Mūndai datchikterdıŋ jaramdy sertifikaty joq, olar tekseruden ötpegen jäne memlekettık ölşeu qūraldary tızımıne engızılmegen. Sondyqtan mūndai qūraldardan alynǧan aqparatty senımdı derek retınde qoldanuǧa bolmaidy.
Qazgidromet mälımetınşe, biyl 24-25 qaraşada joǧary (10 ŞRK-dan joǧary) jäne asa joǧary (50 ŞRK-dan joǧary) lastanu deŋgeiı tırkelmegen. Jekelegen beketterde keibır zattar boiynşa 1,0-2,1 ŞRK şamasynda bır rettık azdaǧan asu baiqaldy.
Qaladaǧy qazırgı tütın qūbylystary aua raiynyŋ qolaisyz meteorologiialyq jaǧdailarymen qatar antropogendık faktorlarǧa da bailanysty. Sonyŋ bırı inversiia, iaǧni jyly aua qabaty tömengı suyq qabatty jauyp, tık baǧytta aua almasuyna kedergı keltıretın qūbylys.
Qaraşanyŋ jelsız aua raiy, köpjyldyq baqylaumen salystyrǧanda joǧary temperatura, jauyn-şaşynnyŋ bolmauy jäne jylytu mausymynyŋ belsendılıgı atmosferada ziiandy zattardyŋ jinaluyna yqpal etedı. Lastauşy közder jeke tūrǧyn üiler, öndırıstık nysandar jäne qala aumaǧynda paidalanylatyn şamamen bır millionǧa juyq avtokölık.
Bügınde Almatynyŋ aua basseinın negızgı lastauşy — avtokölık (şyǧaryndylardyŋ 60%-yna deiın). Qalǧan bölıgı önerkäsıptık käsıporyndarǧa, jeke sektorǧa jäne qatty otyn paidalanatyn monşaǧa tiesılı. Sondyqtan olardyŋ äserın tömendetu baǧytynda naqty şaralar qabyldau qajettılıgı tuyndap otyr. Osy maqsatta Almaty qalasy äkımdıgı tiıstı jūmystar jürgızıp, atmosferalyq auany qorǧau erejelerınıŋ jobasyn äzırledı. Būl erejeler tömen şyǧaryndyly aimaqta avtokölık paidalanuǧa şekteuler engızudı, üşınşı sanattaǧy käsıporyndardyŋ ekologiialyq retteluın jäne auaǧa ziiandy zattar şyǧaryndylaryn azaituǧa baǧyttalǧan basqa da normalardy qamtidy.
