Mäjılıs deputaty Ekaterina Smoliakova Densaulyq saqtau ministrlıgınıŋ ökılı Timur Sūltanǧazievke medisina qyzmetkerlerınıŋ käsıbi bılıktılıgıne jäne olardyŋ qyzmetıne qoǧamda tuyndaityn senımsızdık faktılerınıŋ aldyn alu şaralary jönınde deputattyq saual joldady, dep habarlaidy «Adyrna» ūlttyq portaly.
Densaulyq saqtau ministrlıgınıŋ ökılı Timur Sūltanǧaziev qazırgı uaqytta saladaǧy jauapkerşılıktı küşeitu, medisina qyzmetkerlerınıŋ etika jäne deontologiia qaǧidalaryn saqtauyn baqylau boiynşa keşendı şaralar jüzege asyrylyp jatqanyn atap öttı.
Onyŋ aituynşa, Densaulyq saqtau kodeksınde barlyq medisina qyzmetkerlerı üşın etika men deontologiia prinsipterın saqtau mındettelgen. Būl prinsipter aşyqtyqty, obektivtılıktı jäne pasientke qajettı kömektı uaqytyly körsetudı közdeidı.
Sūltanǧazievtıŋ sözınşe, soŋǧy jyldary medisina salasynda tuyndaǧan türlı oqiǧalardyŋ aldyn alu maqsatynda ministrlık Işkı ıster ministrlıgımen bırlesken jospar äzırlegen. «Bız qabyldau bölmelerınde qauıpsızdık şaralaryn küşeitu üşın 150-ge juyq polisiia beketın aştyq. Sonymen qatar stasionarlarda qajettı beinebaqylau kameralary ornatylyp jatyr», — dedı ol.
Būdan bölek, el boiynşa 600 medisinalyq ūiymǧa «dabyl tetıkterı» engızılgenı belgılı boldy.
«Almaty men Astana qalalarynda jedel medisinalyq järdem qyzmetkerlerıne videojetondar ornattyq. Nätijesınde türlı olqylyqtar sany 90%-ǧa tömendedı. Endı būl täjıribenı bükıl Qazaqstan boiynşa engızu üşın “Qazaqtelekommen” bırlesıp jūmys jasap jatyrmyz», — dep tolyqtyrdy ministrlık ökılı.
