Tikeleı efır ústinde túkirip, kópshiliktiń ashýyn týǵyzǵan depýtat Erlan Saırov zańnama negizinde aıyppul tóledi. Óziniń áreketin “Ádiletti qoǵam” qurýdyń mysaly retinde kórsetip, el qazanynan as iship, halyq qazynasyna qol salǵan olıgarhtar men alpaýyttardy jazalaýǵa shaqyrdy. Bul týraly “Adyrna” ulttyq portaly habarlaıdy.
“Qurmetti dostar!
Biz quqyqtyq memlekette ómir súremiz.
Árbir azamat óziniń istegeni úshin jaýap berýi qajet.
Men keshegi "Habar" arnasyndaǵy "túkirik" úshin aıyppul tóledim. Zań aldynda barlyq azamattar teń bolýy kerek.Bul aksıoma!
Sonda ǵana ádiletti qoǵam quramyz!” - dep jazdy depýtat.
Sonymen qatar, depýtat el baılyǵy men jer baılyǵyn súlikshe soryp kele jatqan ury-qarylardyń attaryn atap, tústerin tústep kórsetý, jazalaý qajet ekendigin qadap aıtty.
“Basqa da azamattar zań aldynda óz jaýapkershiliterin sezinýi qajet.Ásirese, halyqtyń ıgiligin jymqyryp qoıǵan olıgarhtar men alpaýyttar.
Olardyń jaýapkershiligin biz kózderine "shoqshıtyp" kórsetýimiz qajet!
Árbir adam ózgeristi ózinen bastaýy tıis. Árqaısymyz ózgersek, memleketti ózgertemiz!Meni qoldanǵan azamattarǵa kóp Rahmet! Meni synǵa alǵan azamattarǵa da yrzashylyǵymdy bildiremin!
Biz - Birgemiz!” - dedi Erlan Saırov.
