Aýylǵa jumysqa kelgen medıına qyzmetkerleri úshin 10 mln teńge járdemaqy berilýi múmkin. Bul týraly Májilis depýtaty Ashat Aımaǵambetov Telegram arnasynda jazdy, dep habarlaıdy “Adyrna” ulttyq portaly.
Qurmetti dárigerler men densaýlyq saqtaý salasynyń qyzmetkerleri! Sizderdi kásibı merekelerińizben quttyqtaımyn! Sizderdiń mamandyqtaryńyz – eń qıyn, jaýapty jáne asyl mamandyqtardyń biri. Sizder kún saıyn myńdaǵan adamdardyń ómirin saqtap qalyp, naǵyz erlik jasap júrsizder. Prezıdenttiń tapsyrmalaryna sáıkes sońǵy jyldary jalaqy kóterilip, jańa densaýlyq saqtaý nysandary salynyp jatyr, – dep jazdy depýtat.
Onyń aıtýynsha, qazir Áleýmettik-mádenı damý komıteti densaýlyq saqtaý týraly zań jobasyn qarastyryp jatyr. Onda medıına qyzmetkeriniń mártebesin bekitý, dárigerlerdi áleýmettik qoldaý jáne quqyqtyq qorǵaý boıynsha qosymsha sharalardy qarastyrý mańyzdy. Osy maqsatta Komıttetiń depýtattary birqatar túzetýlerge bastamashylyq jasady.
Aýylǵa jumysqa kelgen medıına qyzmetkerleri úshin 10 mln teńge mólsherinde kóterme járdemaqy belgileý jónindegi normany Zańǵa engizý týraly túzetý engizildi. Sondaı-aq áleýmettik medıınalyq saqtandyrý qoryna óz jarnalaryn tóleıtin barlyq medıına jáne bilim berý qyzmetkerleriniń jyl saıynǵy, mindetti medıınalyq tekserýden tegin ótýi, ıaǵnı MÁMS esebinen ótýi týraly norma usynyldy.
Úkimettik nusqada zań jobasynda 2025 jyldan bastap medıına qyzmetkerleriniń ózderi kásiptik jaýapkershilikti saqtandyrý boıynsha jyl saıynǵy saqtandyrý aqylarynyń 50%-n tóleýge mindetteý kózdelgen. Bul rette Komıtet depýtattary 100% saqtandyrýdyń barlyq somasyn jumys berýshiniń esebinen jabýdy usynyp otyr.
Sonymen qatar, medıına qyzmetkerleriniń mártebesin arttyrý úshin balalaryn balabaqshalardaǵy oryndarmen basym tártippen qamtamasyz etý, demalystardyń uzaqtyǵyn ulǵaıtý jónindegi normalar usynylýda, sondaı-aq ózderiniń kásibı mindetterin atqarý kezinde qaıtys bolǵan nemese múgedek bolǵan medıına qyzmetkerleriniń balalary úshin joǵary bilim berý granttaryn bólý kezinde basym quqyqty belgileý bóliginde túzetý engizildi.
Ashat Aımaǵambetov medıına qyzmetkerlerin quqyqtyq qorǵaý jónindegi norma jáne dárigerlerdi qorǵaýǵa baǵyttalǵan basqa da normalar usynylyp otyrǵanyn jetkizdi
Búginde bul túzetýler Úkimettiń qaraýyna jiberildi.
