Bügın oblys äkımı Berık Uäli Semei qalasynyŋ ırgesınde boi köteretın qatty tūrmystyq qaldyqtar poligonynyŋ qūrylys alaŋynda boldy. Merdıgerler aimaq basşysyna maŋyzdy nysannyŋ tehnikalyq parametrlerı, josparlanǧan quattylyǧy jäne qūrylys kezeŋderı turaly baiandady.
Qūrylysty türkiialyq «Mahimsan A.T.S ST» JŞS jürgızetın bolady. Joba qūny – 8 mlrd teŋge. Poligonnyŋ qatty tūrmystyq qaldyqtardy qabyldau quattylyǧy – jylyna 300 myŋ tonna. Sūryptau sehynyŋ jyldyq önımdılıgı – 75 myŋ tonna.
«Osydan 25 jyl būryn Semeidegı köpırdıŋ qūrylysyna da qatysqan edık. Endı, mıne, taǧy bır ülken jobany jüzege asyruǧa kırısıp jatyrmyz. Abai oblysy äkımdıgımen qol qoiylǧan yntymaqtastyq memorandumy aiasynda qatty tūrmystyq qaldyqtar poligonynyŋ qūrylysyn Semeiden 16 şaqyrym jerde ekı ai būryn bastadyq. 100 gektar aumaqta äkımşılık-tūrmystyq korpus, sūryptau ǧimaraty jäne basqa da qūrylystardyŋ ırgetasy qalanuda», – deidı «Mahimsan» kompaniiasynyŋ vise-prezidentı Mehmet Kaplan.
Nysandy tolyq aiaqtau jäne paidalanuǧa beru 2027 jyldyŋ II toqsanyna josparlanǧan.
Aimaq basşysy qūrylys alaŋyn körıp, merdıgerlerge jūmysty belgılengen merzımde ärı sapaly aiaqtaudy tapsyrdy.
«Būl jobanyŋ Semei qalasy üşın maŋyzy zor. Jaŋa poligon ıske qosylǧannan keiın oblys ortalyǧyndaǧy qaldyqtardy basqaru jüiesı jaŋaryp, ekologiialyq ahual aitarlyqtai jaqsarady», - dedı oblys äkımı.
Aita keteiık, biylǧy tamyz aiynyŋ soŋynda aimaq basşysy Berık Uäli men «Makimsan A.T.S St.» kompaniiasynyŋ prezidentı Atilla Kürşat Dikchi özara tüsınıstık pen yntymaqtastyq turaly memorandumǧa qol qoiǧan bolatyn. Memorandum aiasynda Semei qalasyndaǧy bırneşe köşelerge temır jol üstı köpırlerın salu, «Mäŋgılık El» köşesı men Beibıtşılık aralyn jalǧaityn jaiau jürgınşı köpırın tūrǧyzu, Maqanşy jäne Aiagöz audandarynda kärız-tazartu nysandaryn, Semei qalasynda qoqys poligonyn, Qūnanbai köşesınen Şyǧys kentıne deiıngı baǧytta avtokölık jäne jaiau jürgınşılerge arnalǧan köpır salu, Semeidegı aspaly köpırdı qaita jaŋǧyrtu, jaŋa äkımşılık-ıskerlık ortalyqta zamanaui äkımşılık ǧimarattar salu syndy bırqatar ırı infraqūrylymdyq jobalardy ıske asyru josparlanǧan.
1969 jyly qūrylǧan «Makimsan» kompaniiasy Türkiiada jäne şet elderde halyqaralyq äuejailar, quatty jylu elektr ortalyqtary, Türkiia, TMD elderı, Europa jäne Afrika aumaǧyndaǧy avtomobil joldary, tonnelder men köpırler, metro, temırjol jüielerı, qatty tūrmystyq qaldyqtar poligony, äkımşılık ǧimarattar, auruhanalar, mektepter men balabaqşalar siiaqty ırı jobalardy jüzege asyrǧan.
