Elımızdıŋ bırneşe öŋırınde su tasqyny jürıp, tötenşe jaǧdai jariialandy. Jyl saiyn qaitalanatyn su tasqynyna bilıktıŋ nege daiyn bolmaǧanyna gidrolog ǧalym jauap berdı, dep habarlaidy "Adyrna" tılşısı.
Gidrolog ǧalym Marat Moldahmetov su tasqyny jaiynda bırneşe mälımetter ūsyndy.
"Ǧaryş sapary mekemesı alǧan 1,4 mlrd teŋge qarjy nege aqtalmady? Bärınıŋ jauaby bıreu-aq: bılıktı mamandar tapşy. Ǧalymdarǧa jaǧdai jasalmai, eşnärse tüzelmeidı. Bılıktı mamanǧa jol berılmeidı, jeme-jemge kelgende sol mamandardyŋ aqylyna jügınedı. Torǧai öŋırınde apattyq su tasqyny bolatyny beseneden belgılı boldy. Byltyrǧy Ūlytaudaǧy jūttan keiın-aq, köktemde ülken su tasqyny bolatyny aiqyn edı", - delıngen Ǧylym-bılım bar jūrttar Telegram arnasynda.Ǧalym jazbasynda Galperinnıŋ «Urovni rek Kazahstana» degen monografiiasy bar ekenın, bırneşe derekterdı ūsyndy.
"Äleumettık jelıde būrynǧy Qaratorǧai sovhozyna baratyn jol būzyldy degen video şyqqan künı-aq, Qyzyljūldyzdy su alatyny belgılı bolǧan. Bızdıŋ tübımızge beiǧamdyq jetedı. Geoaqparattyq jüienıŋ 3D modelderı arqyly jer bederın esepke alyp, özen arnasy qai biıktıkten, iaǧni jarqabaqtan bastap jaiyla bastaitynyn anyqtauǧa bolady. Özennıŋ ūzyna boiymen osyndai älsız jerlerdı anyqtap, ūsynystar beruge bolady. Mäsele keşendı türde qaraluy kerek. Su salasy mekemelerınde otyrǧan basşylar men gidrolog, meteorolog ǧalymdar, gidrotehnikter bır tılde söilesuı kerek. Tematikalyq kartalar jasaluy tiıs. Su tasqynyn basqaru üşın basşylar eŋ bolmaǧanda qarapaiym ūǧymdardy bıluı kerek", - dep synady ǧalym.
Ūqsas jaŋalyqtar
