Qazaqstan halqy üşın 25 qazan – Respublika künı. Täuelsızdıkke aparar tarihi joldyŋ bastauy. Būl kün 1990 jyly 25 qazanda qabyldanǧan «Qazaq KSR-nıŋ memlekettık egemendıgı turaly deklarasiiasymen» tıkelei bailanysty. Däl osy deklarasiia qazaq elınıŋ saiasi jäne ekonomikalyq täuelsızdıgın aiqyndaǧan alǧaşqy maŋyzdy qūjat boldy. Būl merekenıŋ auqymdy toilanuyn qazaq qoǧamy qalai qabyldap jatyr? "Adyrna" tılşısı qazaqstandyqtardyŋ oiyn bıldı.
Respublika künı merekeler qatarynan bırneşe jylǧa alynyp tastalǧanymen, 2022 jyly Prezident Qasym-Jomart Toqaevtyŋ bastamasymen Respublika künı qaitadan ūlttyq mereke märtebesın aldy. Memleket basşysy būl merekenı keŋ kölemde atap ötuge tapsyrma berıp, ony elımızdıŋ memlekettılıgın därıpteitın, ūlttyq bırlıktı nyǧaitatyn maŋyzdy kün retınde atap ötudı ūsyndy.
Merekenıŋ qaita jaŋǧyruy – tarihi ädıldık
Prezident Toqaevtyŋ bastamasy qoǧamda ülken qoldau tapty. Sebebı Respublika künı – täuelsızdıktıŋ resmi jariialanǧan 1991 jylǧy 16 jeltoqsannan da būrynǧy tarihi kezeŋnıŋ simvoly. Būl – täuelsızdıkke aparar alǧaşqy saiasi qadam, ūlttyq sananyŋ oianu sätı.
Endı jyl saiyn 25 qazan künı el kölemınde saltanatty şaralar, ǧylymi konferensiialar, mädeni körmeler, jastar forumdary ötkızıledı. Äsırese mektepter men joǧary oqu oryndarynda būl mereke täuelsızdık ruhyn därıpteitın sabaqtarmen ūştasuda.
«Respublika künı – ūlttyq bıregeilıktı nyǧaitudyŋ qūraly»
Jurnalist Möldır Nūrǧaliqyzynyŋ aituynşa, Respublika künın qaita atap ötu – halyqtyŋ tarihi jadyna qūrmet körsetu.
«Būl mereke – jai ǧana küntızbedegı data emes. Respublika künı – bızdıŋ memleket retınde qalyptasuymyzdyŋ alǧaşqy qadamy. Qazırgıdei jahandanu däuırınde ūlttyq bıregeilıktı saqtau öte maŋyzdy. Sondyqtan jastarǧa eldıŋ egemendık jolyndaǧy küresın tüsındıru, sol arqyly patriottyq sezım qalyptastyru – bızdıŋ basty mındetımız», – deidı jurnalist.
Möldır hanymnyŋ pıkırınşe, aqparat qūraldary Respublika künın tek saltanatty konserttermen emes, onyŋ tarihi mänın aşatyn derektı materialdarmen, sūhbattarmen, beinejobalarmen nasihattauy kerek.
«Respublika künı – elge degen jauapkerşılıktı eske salady»
Al jas käsıpker Arujan Maratqyzy üşın būl kün – azamattyq jauapkerşılık pen elge qyzmet etu simvoly.
«Men üşın Respublika künı – tek demalys nemese mereke emes, būl – ärbır qazaqstandyqtyŋ öz elıne adal qyzmet etuge, qoǧamǧa üles qosuǧa sert beretın künı. Bız käsıpkerler, öz ısımız arqyly el ekonomikasyn damytuǧa, jaŋa jūmys oryndaryn aşuǧa, jastardy qoldauǧa üles qosuymyz kerek dep sanaimyn», – deidı ol.
Arujannyŋ aituynşa, Respublika künın keŋ kölemde atap ötu – el ışınde yntymaq pen bırlıktı küşeitetın, azamattardy ortaq maqsatqa jūmyldyratyn maŋyzdy faktor.
Qoǧamdyq maŋyzy jäne bolaşaqqa baǧdar
Bügıngı taŋda Respublika künı – tek tarihi data emes, ol zamanaui Qazaqstannyŋ ruhani jaŋǧyruymen ündes mereke. Būl kün el azamattaryna demokratiialyq qūndylyqtardy, ūlttyq bırlıktı, ädılettı qoǧam qūru ideiasyn eske salady.
Jurnalisterdıŋ, käsıpkerlerdıŋ, mūǧalımderdıŋ, jastardyŋ pıkırlerı bır arnada toǧysady – bärı de Respublika künın ūlttyq maqtanyş pen elge adal qyzmet etu merekesı retınde qabyldaidy.
