Bes ai būryn elden ketetının mälımdegen tanymal rejisser Ermek Tūrsynov Qazaqstanǧa qaita oraldy, dep habarlaidy "Adyrna" ūlttyq portaly Ertenmedia-ǧa sıltep.
Būl aqparatty onyŋ dosy, eks-saiasatker Bolat Äbılov rastaǧan.
Bolat Äbılov özınıŋ äleumettık jelıdegı jazbasynda Tūrsynovtyŋ elge aman-esen oralǧanyn quana habarlaǧan. Onyŋ aituynşa, şetelde şamamen bes ai jürgen rejissermen äŋgıme barysynda eldegı jäne älemdegı saiasi-ekonomikalyq ahual, qoǧamdaǧy özgerıster söz bolǧan.
«Qaida qarasaŋ da alasapyran, şielenıs, daǧdarys. Osyndai kezeŋde düniege danalyq biıgınen qarau maŋyzdy», — dep jazdy Äbılov.
Sondai-aq ol Ermek Tūrsynovtyŋ tūlǧalyq bolmysyna joǧary baǧa berıp, onyŋ Qazaqstan atynan üş ret «Oskar» syilyǧyna ūsynylǧanyn eske saldy. Oǧan Qazaqstanda şyǧarmaşylyqpen ainalysuǧa "ottegı" jetpegen.
«Erkın şyǧarmaşylyqpen ainalysuyma mümkındık qalmady. Maǧan būl elde ottegı jetpeidı. Absurd ädepkı jaǧdaiǧa ainaldy», — degen bolatyn rejisser sol kezde.
Media mälımetınşe, jurnalist Gülbanu Äbenova Tūrsynovtyŋ sözın synǧa alyp, onyŋ memleketten eŋ köp qoldau körgen rejisserlerdıŋ bırı ekenın mälımdegen.
«Memleketten milliardtaǧan teŋge alǧan. Mysaly, “Besmoinaq” filmıne 500 mln teŋge jūmsaldy, bıraq ol älı körermenge jetken joq», — degen edı Äbenova.
Erten media Äbenovanyŋ sözınşe Tūrsynov prodiuserler men esepşılerge qatysty tergeu bastalǧan soŋ, elden ketudı ūiǧarǧanyn da jazdy.
Mädeniet komitetınıŋ ökılderı de rejisser elden keter aldynda memleketten taǧy 20 mlrd teŋge sūraǧanyn habarlaǧan bolatyn.
Ermek Tūrsynovtyŋ būl jolǧy saparynyŋ maqsaty men Qazaqstanda qanşa uaqyt bolatyny äzırge belgısız.
