Jelıde Semeidegı Şoqan Uälihanov atyndaǧy “Jas Ūlan” mamandandyrylǧan mektep-lisei-internatynda tüsırılgen kursanttardyŋ bır-bırıne küş körsetken videosy tarap kettı, dep habarlaidy "Adyrna" ūlttyq portaly Stan.kz-ke sıltep.
Videoda joǧary synyp oquşysynyŋ ekınşı bır oquşyny qylǧyndyryp jatqan sätı körınedı. Jäbırlenuşı qarsylyq bıldırgenımen, özın bosata almai qalady.
Oqiǧaǧa qatysty Abai oblysynyŋ bılım basqarmasy resmi tüsınıkteme berdı.
Vedomstvonyŋ mälımetınşe, videodaǧy tülekter – “Jas Ūlan” mektebınıŋ 2025 jylǧy bıtıruşılerı. Olardyŋ aituynşa, video 2023 jyly tüsırılgen.
“Tülektıŋ özı būl jaǧdaidy "dostar arasyndaǧy äzıl" dep tüsındırdı. Ol kezde pedagogtar oqiǧany bılıp, balalarmen tüsındıru jūmystaryn jürgızgen. Ekı tülek te 2025 jyldyŋ mamyrynda liseidı bıtırgen. Qazırgı uaqytta olardyŋ bırı Pavlodarda, ekınşısı Almatyda oqidy”, – delıngen resmi habarlamada.
Oqiǧaǧa qatysty qosymşa tekserıs şaralary jürgızılıp jatqany aityldy.
