جەلىدە سەمەيدەگى شوقان ءۋاليحانوۆ اتىنداعى “جاس ۇلان” مامانداندىرىلعان مەكتەپ-ليتسەي-ينتەرناتىندا تۇسىرىلگەن كۋرسانتتاردىڭ ءبىر-بىرىنە كۇش كورسەتكەن ۆيدەوسى تاراپ كەتتى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
ۆيدەودا جوعارى سىنىپ وقۋشىسىنىڭ ەكىنشى ءبىر وقۋشىنى قىلعىندىرىپ جاتقان ءساتى كورىنەدى. جابىرلەنۋشى قارسىلىق بىلدىرگەنىمەن، ءوزىن بوساتا الماي قالادى.
وقيعاعا قاتىستى اباي وبلىسىنىڭ ءبىلىم باسقارماسى رەسمي تۇسىنىكتەمە بەردى.
ۆەدومستۆونىڭ مالىمەتىنشە، ۆيدەوداعى تۇلەكتەر – “جاس ۇلان” مەكتەبىنىڭ 2025 جىلعى بىتىرۋشىلەرى. ولاردىڭ ايتۋىنشا، ۆيدەو 2023 جىلى تۇسىرىلگەن.
“تۇلەكتىڭ ءوزى بۇل جاعدايدى "دوستار اراسىنداعى ءازىل" دەپ ءتۇسىندىردى. ول كەزدە پەداگوگتار وقيعانى ءبىلىپ، بالالارمەن ءتۇسىندىرۋ جۇمىستارىن جۇرگىزگەن. ەكى تۇلەك تە 2025 جىلدىڭ مامىرىندا ليتسەيدى بىتىرگەن. قازىرگى ۋاقىتتا ولاردىڭ ءبىرى پاۆلوداردا، ەكىنشىسى الماتىدا وقيدى”، – دەلىنگەن رەسمي حابارلامادا.
وقيعاعا قاتىستى قوسىمشا تەكسەرىس شارالارى جۇرگىزىلىپ جاتقانى ايتىلدى.
