Osydan 84 jyl būryn, iaǧni, 1936 jyly 18 mamyrda aqyn, memleket jäne qoǧam qairatkerı, Qazaqstannyŋ halyq jazuşysy Oljas Omarūly Süleimenov düniege keldı.
Almaty qalasynda tuǧan. Qazaq memlekettık universitetınıŋ geografiia fakultetın bıtırıp, M.Gorkii atyndaǧy Ädebiet institutynda oqyǧan. «Kazahstanskaia pravda» gazetı redaksiiasynyŋ bölım meŋgeruşısı, «Qazaqfilm» kinostudiiasy ssenarii-redaksiialyq alqasynyŋ bas redaktory, Qazaqstan Jazuşylar odaǧynyŋ hatşysy, Qazaq SSR Kinematografiia jönındegı memlekettık komitetınıŋ töraǧasy, QR Joǧarǧy Keŋesınıŋ deputaty, Qazaqstannyŋ İtaliiadaǧy Tötenşe jäne Ökılettı Elşısı qyzmetterın atqarǧan.
Öz tuyndylaryn orys tılınde jazady. Öleŋderı men poemalarynyŋ alǧaşqy jinaǧy 1961 jyly «Arǧymaqtar» degen atpen jaryq körgen. Onyŋ ssenariiı boiynşa «Atameken», «Kögıldır marşrut», «Qys - qolaisyz mausym», t.b. filmder tüsırılgen. «Az i Iа», «Jazu tılı» atty tıl bılımıne qatysty zertteulerı, «Nūrly tünder», «Meşın jyly», «Köŋıl kökjiegı», «Är kün - araily taŋ», «Aq dariia aspany», «Jūmyr jūldyz», «Şapaǧatty şaq», «Atameken», t.b. jinaqtary şyqqan.
I därejelı «Barys», «Otan», Eŋbek Qyzyl Tu, «Qūrmet belgısı», Qazan revoliusiiasy ordenderımen, medaldarmen marapattalǧan.
Iаdrolyq synaqqa qarsy «Semei-Nevada» qozǧalysynyŋ köşbasşysy, Qazaq SSR-ınıŋ Abai atyndaǧy Memlekettık syilyǧynyŋ, Qazaqstan komsomoly, BLKJO syilyǧynyŋ laureaty, Tatarstan Respublikasynyŋ Ş.Marjani atyndaǧy Tarih institutynyŋ qūrmettı doktory. Qazaqstannyŋ IýNESKO janyndaǧy Tūraqty ökılı boldy.
https://youtu.be/Au9kX4uwPaY
Foto: internet jelısınen
Ūqsas jaŋalyqtar
