Semeı-Óskemen tas jolynda oryn alǵan jol-kólik oqıǵasy (JKO) saldarynan úsh adam qaza taýyp, taǵy úsheýi aýrýhanaǵa jetkizildi, dep habarlaıdy "Adyrna" ulttyq portaly QR IIM resmı ınternet-resýrsyna siltep.
«Soqtyǵys saldarynan bir júrgizýshi men eki jolaýshy qaza tapty, úsh zardap shegýshi túrli jaraqattarmen medıınalyq mekemege jatqyzyldy», - delingen habarlamada.
Málimetterge sáıkes, 25 tamyz kúni saǵat 03.30 shamasynda Semeı-Óskemen tas jolynda Toyota Land Cruiser pen Nissan Elgrand kólikteri betpe-bet soqtyǵysqan.
Atalǵan fakti boıynsha kólik quraldaryn basqaratyn adamdardyń abaısyzda eki nemese odan da kóp adamnyń ólimine ákep soqtyrǵan jol qozǵalysy nemese kólik quraldaryn paıdalaný erejelerin buzýy boıynsha sotqa deıingi tergeý bastalǵany habarlandy.
Qazirgi ýaqytta tıisti saraptamalar taǵaıyndaldy, sotqa deıingi tergep-tekserýdiń tolyqtyǵy men jan-jaqtylyǵyn qamtamasyz etýge baǵyttalǵan qajetti tergeý áreketteri júrgizilýde.
