Abai oblysy Semei qalasynda 12 qazanda ötken äkım sailauynyŋ qorytyndysy jariialandy, dep habarlaidy "Adyrna" ūlttyq portaly.
Aumaqtyq sailau komissiiasynyŋ mälımetınşe, sailauşylar tızımıne 220 761 azamat engızılgen. Onyŋ ışınde 118 553 adam dauys beruge qatysqan. Jaramsyz dep tanylǧan biulletender sany – 2482, al «Barlyǧyna qarsymyn» degen taŋba qoiylǧan biulletender – 4310.
Sailau nätijesı boiynşa kandidattardyŋ alǧan dauystary mynadai:
-
Bekjasarov A.Q. – 9 763 dauys;
-
Qojanbaev Ä.N. – 89 441 dauys;
-
Töleuov Q.M. – 12 557 dauys.
Osylaişa, Semei qalasynyŋ äkımı bolyp Qojanbaev Ädılet Nūrsaǧatūly sailandy. Ol 1980 jyly tuǧan, būǧan deiın Abai oblysy Kökpektı audanynyŋ äkımı qyzmetın atqarǧan. Qojanbaev özın-özı ūsynu tärtıbımen sailauǧa qatysqan.
Aumaqtyq sailau komissiiasy dauys beru prosesı zaŋǧa sai ötkenın jäne sailau nätijelerı resmi türde bekıtılgenın habarlady.
