Qazaqstannyŋ eŋbek sıŋırgen qairatkerı, belgılı kompozitor, marqūm Arman Düisenovtyŋ jūbaiy Aisūlu Aidanqyzy Prezident Qasym-Jomart Toqaevtyŋ atyna aşyq ündeu joldap, Almaty qalasy sottaryndaǧy ädıletsızdıkke nazar audarudy sūrady, dep habarlaidy «Adyrna».
Aisūlu Aidanqyzynyŋ aituynşa, 2024 jyldyŋ 7 qazanynda 21 jastaǧy ūly Düisen Abylai öz päterınde ekı qoly bailauly, aiaǧy jerde tūrǧan küide, moinyn süiep bailap ketken küide tabylǧan.
Otbasynyŋ mälımetınşe, ıstı tergeu barysynda bırqatar maŋyzdy derekter anyqtalǧanymen, tergeu älı aiaqtalmaǧan.
2025 jyldyŋ 24 qazanynda Almatydaǧy Bostandyq audandyq soty Aisūlu Aidanqyzyn, 13 jasar ūlyn jäne 83 jastaǧy äkesın tūryp jatqan päterınen şyǧaru turaly şeşım qabyldaǧan.
Aisūlu Aidanqyzy būl şeşımdı zaŋsyz dep esepteidı.
«Päter üşın daulasqan tūlǧa Mūqaş Sanjar ūlym Abylaidyŋ ölımıne bailanysty jürgızılıp jatqan tergeu barysynda «men Abylaiǧa tek qaryz aqşa bergenmın, päterdı kepıl etıp aldym» - dep anyq körsetken. Osy turaly tergeu sotynyŋ 2024 jylǧy 15 qazan jäne 2025 jylǧy 30 şıldedegı qaulylarynda bekıtılgen. Demek, sot, satyp alu kelısım şartyn jaramsyz dep tanuy tiıs edı. Marqūm Abylai men Mūqaştyŋ ekeuara uatsaptarynda, soŋǧy tek 65 mln. teŋgenı öte joǧary paiyzben bergenı rastaldy. Iаǧni marqūmdy, ony özı üşın mülde tiımsız auyr män-jailardyŋ saldarynan jasauǧa mäjbür bolǧan mämılenı jasaǧan deuge jetkılıktı negızder bar. Zaŋ boiynşa - jaramsyz mämıle.
Dauger Mūqaştyŋ 65 millionmen, naryq qūny 140 mln. teŋge tūratyn päterdı iemdenu ailasy bastapqydan bolǧany közge körınıp tūr. Alaida, sot qylmystyq ıs qūjattaryn mülde sūratpai, olardy zerttemei, bırjaqty şeşım şyǧardy . Odan bölek, zaŋdy talap bar – qylmystyq ıs tergelıp jatqan kezde, azamattyq dau toqtatyluy tiıs. Bügınge deiın ūlym Abylaidyŋ ölımıne qatysty tergeu aiaqtalǧan joq», dedı Aisūlu.
Aisūlu Aidanqyzy QR Prezidentınen ūlynyŋ ölımıne qatysty tergeudıŋ ädıl jürgızıluın, azamattyq ıstıŋ zaŋ talaptaryna säikes qaita qaraluyn, sottardaǧy bırjaqtylyqqa jol bermeudı qamtamasyz etudı sūrap otyr.
Ol būl jaǧdaidyŋ tek özınıŋ otbasynyŋ emes, jalpy azamattardyŋ sotqa degen senımı üşın maŋyzdy ekenın aitady.
