Äigılı änşı Ermek Serkebaev pen tanymal kinorejisser Abdolla Qarsaqbaevtyŋ 100 jyldyǧy IýNESKO-nyŋ atauly künder küntızbesıne engızıldı. Būl turaly Memlekettık keŋesşı Erlan Qarin mälımdedı, dep habarlaidy «Adyrna» tılşısı.
Aituynşa, būl şeşım qazaq mädenietınıŋ älemdık mūraǧa qosqan ülesınıŋ joǧary baǧalanǧanyn körsetedı.
«IýNESKO Bas konferensiiasynyŋ 43-sessiiasynda Qazaqstan tarapynan berılgen bırneşe ūsynys qoldau tapty. Äigılı opera änşısı Ermek Serkebaev pen körnektı kinorejisser Abdolla Qarsaqbaevtyŋ 100 jyldyq mereitoilary 2026-2027 jyldary halyqaralyq ūiym aiasynda atalyp ötetın atauly künder küntızbesıne engızıldı. Būl – ūlttyq ärı älemdık mädeniettıŋ damuyna zor üles qosqan qazaqstandyq qairatkerlerdıŋ halyqaralyq deŋgeide laiyqty moiyndaluynyŋ bır belgısı», - dep jazdy Qarin.
IýNESKO-nyŋ Atauly künder küntızbesı — Ūiym tarapynan qoldau tapqan jäne halyqaralyq deŋgeide ūiymdastyrylatyn atauly künder men mereitoilardyŋ, maŋyzdy oqiǧalardyŋ resmi tızımı.
IýNESKO deregınşe, ūiym 1956 jyldan berı 1234 atauly kündı atap ötuge atsalysqan. Sonyŋ 31-ı Qazaqstannyŋ bastamasymen küntızbege engen. Būǧan deiın Abai Qūnanbaiūlynyŋ 150 jyldyq, Şymkent qalasynyŋ 2200 jyldyq, Almaty qalasynyŋ 1000 jyldyq, Mūhtar Äuezovtıŋ, Qanyş Sätbaevtyŋ, Säbit Mūqanovtyŋ 100 jyldyq mereitoilary jäne basqa da atauly künder IýNESKO qoldauymen halyqaralyq deŋgeide toilanǧan edı.
