12 qaraşada memleket basşysy Qasym-Jomart Toqaevtyŋ Reseige saparynyŋ qūrmetıne prezident Vladimir Putinnıŋ atynan Kremlde memlekettık qabyldau öttı, dep habarlaidy «Adyrna» tılşıısı.
Qasym-Jomart Toqaev bızdıŋ ortaq tarihymyz bırlıktıŋ ülgısın tanytatyn sözderdıŋ qai-qaisysynan da artyq ekenıne toqtaldy.
«Qiyn jyldarda bız bır-bırımızdı qoldap, iyq tıresıp qatar tūrdyq. Bırge talai qiyndyqty jeŋdık, bügınde jadymyzda saqtap, jüregımızdıŋ törınde qasterlep ūstaityn Ūly Jeŋıske bırlesıp jettık. Ata-babamyzdan «Qūdai qosqan körşı» degen söz qalǧan. Resei – Qazaqstannyŋ Qūdai qosqan körşısı»,- dedı ol.
Keiın ekı el prezidentı Qazaqstan önerpazdarynyŋ gala-konsertıne bardy.
Qazaqstannyŋ Reseidegı mädeniet künderı aiasynda ūiymdastyrylǧan merekelık keş Ülken teatrda öttı.
Sahnada Roza Rymbaeva, Mariia Mudriak, Renat Ǧaisin, Älışer Kärımov, Aleksandr Beliakov jäne Zarina Altynbaeva sekıldı tanymal änşıler öner körsettı. Is-şaradan soŋ memleketter basşylary sahna şeberlerımen äŋgımelesıp, alǧys aitty.
Osylaişa Qazaqstan prezidentınıŋ Resei Federasiiasyna memlekettık sapary aiaqtaldy.Vnukovo äuejaiynda prezident Qasym Jomart Toqaevty Resei ükımetı töraǧasynyŋ orynbasary Aleksei Overchuk pen basqa da resmi tūlǧalar şyǧaryp saldy. Resei bilıgınde Overchuk Euraziia keŋıstıgındegı yqpaldastyq, G20, BRİKS, ŞYŪ-men bailanysqa jauap beredı. Prezident Qasym-Jomart Toqaev osy memlekettık saparymen Mäskeuge barǧanda Resei ükımetınıŋ bırınşı orynbasary Denis Manturov jäne basqa da resmi tūlǧalar qarsy alǧan bolatyn.
