Memleket basşysy Qasym-Jomart Toqaev Almaty oblystyq №1 balalar üiınıŋ tärbielenuşılerın Qonaev qalasyndaǧy jaŋa ǧimaratqa köşırudı toqtatudy tapsyrdy. Būl turaly prezidenttıŋ baspasöz hatşysy Ruslan Jeldıbai aitty, dep habarlaidy «Adyrna» tılşısı.
«Baǧanaşyl» balalar üiınıŋ tärbielenuşılerın Almatydan Qonaev qalasyna köşıruge bailanysty jaǧdaimen tanysqan Qasym-Jomart Toqaev Almaty qalasynyŋ äkımı Darhan Satybaldyǧa oquşylardyŋ oŋtüstık astanada bılım aluyn jalǧastyru üşın balalar üiıne jöndeu jūmystaryn jürgızudı jäne atalǧan nysandy qalanyŋ balansyna aludy tapsyrdy. Memleket basşysynyŋ tapsyrmasyna säikes, balalar üiı köşırılmeidı»,—delıngen habarlamada.
Atalǧan jaǧdaiǧa bailanysty Prezident Äkımşılıgı qyzmettık tekserıs jürgızedı.
Ruslan Jeldıbai ata-anasynyŋ qamqorlyǧynsyz qalǧan balalardyŋ zaŋ şeŋberındegı barlyq qūqyǧy tolyq saqtalatynyn atap öttı.
Aita keteiık, bügın, 21 şıldede polisiia qyzmetkerlerı balalardy Qonaev qalasyndaǧy jaŋa balalar üiıne köşıru üşın kelgen bolatyn. Alaida tärbielenuşıler kölıkke mınbei, şu şyǧardy. Olar būl şeşımmen kelıspeitınderın aityp, narazylyqtaryn bıldırdı.
Baǧanaşyldaǧy balalar üiın köşıru turaly bastama nauryz aiynda bastalǧan bolatyn. Oblystyq bılım basqarmasy mekemenıŋ ırgetasy 1963 jyly qalanǧanyn, sodan berı kürdelı jöndeuden ötpegenın aitqan. Mamandar balalardy qauıpsız jerge köşıru mäselesı tuyndaǧandyqtan, jeke investordyŋ qarjysyna Qonaevta jaŋa balalar üiı boi kötergenın jetkızgen. Alaida qoǧam belsendılerı men mekemege qoldau körsetıp jürgen demeuşılerdıŋ qarsylyǧynan keiın jergılıktı bilık «köşırmeimız» dep uäde bergen edı. Alaida keiınnen tärbielenuşılerdıŋ Qonaevqa köşetını belgılı boldy.
