SNN: Kaspıı arqyly Iran qarýyn Reseıge tasymaldaıtyn "jasyryn jol" tabylǵany habarlandy

2569
Adyrna.kz Telegram

Halyqaralyq CNN aqparat agenttigi Iran qarýyn Reseıge tasymaldaıtyn "jasyryn joldyń" bar bolýy múmkin ekendigin bajaılady. Olar shamy sóndirilip, Kaspıı teńiziniń betinde jasyryn júzgen kemelerdiń kóbeıgenin anyqtap, osyndaı toqtamǵa kelgen, dep habarlaıdy "Adyrna" ulttyq portaly.

Irannan Reseıge qarý-jaraq jetkizýdiń tike joly Kaspıdi boılap, teńiz joldary arqyly ótýi múmkin. Óıtkeni ótken jyldyń jazynan beri geopozıııasyn ashpaı, baǵytyn jasyryn ustaǵan kemelerdiń sany kúrt ósken. CNN kemelerdiń qozǵalysy týraly málimetter men spýtnıktik sýretterdi taldap, sarapshylarmen sóılesýti. Aqyrynda mundaı "jasyryn júzgen" kemelerge qarý-jaraq artylǵanyna kóz jetkizgenin habarlady.

2022 jyldyń kúzinde AQSh pen Ýkraına bıligi Máskeýdiń ırandyq drondardy satyp alǵanyn málimdedi.  Málimdemeden keıin Kaspıı teńizi arqyly Reseı men Iran kemeleri baqylaýǵa alyndy.  Derekterdiń kórsetýinshe, keme qatynasynyń kúmándi tustary kóp, dep habarlaıdy "Lloyd ' s List Intelligence" teńiz agenttigi. Sol kúzde Ýkraınanyń energetıkalyq ınfraqurylymyn joıýdy kózdegen Reseılik áskerı saıasat nyǵaıyp, drondarmen jasalatyn shabýyldar kúsheıe túsken.

Sarapshylar keme qatynasyn baqylaý derekterindegi olqylyqtardyń kópshiligi Iran men Reseıdiń jalaýlaryn jelbiretken teńiz kólikteriniń tarapynan bolǵanyn atady.  Kemelerdiń Iran porttary Amırabad pen Enselı mańynda, Edil men Astrahan portynyń jaǵalaýlaryna janasqany aıtyldy.

Bul kemelerde qandaı júk bar ekenin anyqtaý qıynǵa soqsa da, sarapshylar kemelerde qarý bolǵanyna batystyq barlaýshylardyń kóz jetkizgenin de tilge tıek etip otyr.

Sonymen qatar, sarapshylardyń pikirinshe, Batys elderiniń mundaı tasymaldy toqtatýǵa kúshi jetpeıdi. Sebebi, burynǵy keńes ólkelerine qalqyǵan Iran kemelerinen qaýip kórip otyrǵan memleketter joq.

Ýkraına men batys elderi Reseıdiń soǵysta ırandyq Shahed-136 drondaryn qoldanǵanyn dep birneshe ret qadap  aıtqan. Bastapqyda qos el de drondardy satyp alyp, soǵysqa salýdan bas tartty. Biraq 2022 jyldyń qarashasynda Iran syrtshy ister mınıstrligi dron tasyp jatqandaryn alǵash ret moıyndady. Olardyń aıtýynsha, kemelerge tıelgen drondar soǵystan buryn da Reseıge jetkizilip turǵan.

Sýrette: Astrahan portyndaǵy reseılik keme (sol jaqta) / CNN

Oraıy kelgende aıta keteıik, Iran Kaspıı teńizin Qazaqstanmen birge bólisip otyrǵan memleketterdiń biri. Onyń sýy 5 memlekettiń jaǵalaýyn shaıyp jatyr. Eń alyp kóldiń eń úlken aýmaǵy da Qazaqstannyń úlesinde.

"Adyrna" ulttyq portaly

Pikirler