Qazaqstanda kiberqauıpsızdık turaly jeke zaŋ bolady. Būl turaly Mäjılıstıŋ baspasöz qyzmetı aitty, dep habarlaidy «Adyrna» tılşısı.
«Sifrlyq kodekste qauıp-qaterlerdı basqaruǧa, aqparatty qorǧauǧa jäne kiberqauıpsızdıkke qatysty jaŋa täsılder belgılenedı. Kiberqylmyspen tiımdırek küresu üşın «Aqparattandyru turaly» zaŋ «Kiberqauıpsızdık turaly» dep özgertıledı»,—delıngen habarlamada.
Jobada sifrlyq säikestık mehanizmı – senımdı sifrlyq ortany damytudyŋ özın-özı retteu mehanizmı qarastyrylǧan. Sondai-aq ol strategiialyq maŋyzy bar jäne şeteldıkterge berılmeitın ūlttyq sifrlyq aktivter – ükımettık jiılıkter, derekqorlar, jüieler jäne infraqūrylym üşın qūqyqtyq negızdı naqtylaidy.
Negızgı jaŋalyqtyŋ bırı – sifrlyq şeşımderdıŋ sapasyn, aşyqtyǧyn jäne qauıpsızdıgın qamtamasyz etetın üş deŋgeilı audit jüiesı. Olar:
– funksionaldy audit – jüielerdıŋ tiımdılıgın jäne olardyŋ qoiylǧan maqsatqa, äsırese, jasandy intellekt salasyna säikestıgın tekseredı;
– kiberqauıpsızdık auditı – sifrlyq infraqūrylymnyŋ syrtqy jäne ışkı qauıpsızdıgın baǧalaidy;
– retteuşı audit – sifrlyq retteudıŋ deŋgeiı men jaŋa zaŋnamalyq bazaǧa säikestıgın taldaidy.
Būl şaralar senım men jauapkerşılıkke negızdelgen tūraqty, qauıpsız jäne aşyq sifrlyq ekojüie qūruǧa baǧyttalǧan.
