Qazaqstan Respýblıkasy Parlamenti Májilisiniń Áleýmettik-mádenı damý komıtetiniń múshesi, depýtat Dáýlet Muqaev óz paraqshasynda elimizdegi áleýmettik problemalardyń syn-cıpatyn aıtyp, mańyzdy jazba jarııalady. Depýtat óz jazbasynda qabyldaýyna qoǵamdaǵy problemalardy sóz etip, erekshe nazar aýdarylýy tıis baǵyttardy atady, dep habarlaıdy "Adyrna" ulttyq portaly.
Qazaqstan Respýblıkasy Parlamenti Májilisiniń depýtaty Dáýlet Muqaev óziniń qyzmeti jaıynda málimdeme jasady:
- Búgin Májilistiń qoǵamdyq qabyldaýynda tańnan keshke deıin 69 adamdy qabyldadym. Árkimniń óz jeke suraǵy, jeke problemasy bar. 3-4 adam boldy, maǵan deıin 30 shaqty jerge baryp, 20 jyl boıy máselesi sheshilmeı jatyr. Maǵan kelgende de onysyn men sheshpeıtinin túsindim. Shyndyq osy.
Kelgen adamdardyń basym bóligi sottan ádildik surasa, endi bir top analar depýtattyq saýalymda kótergen baspana jyrynyń problemasyn tizip alyp kelgen. Úkimet basyndaǵylar bolsa, ol talaptardyń bárin oryndaýǵa ázirge aqsha joq tek Shańyraq pen Baqytty otbasyǵa 71.9 mlrd. teńge bólingenin aıtty. Biraq, bul soma azdyq etedi. Sebebi úı kezeginde turǵandar sany 640.000 aınalasynda. Azaıǵannyń ornyna jyl saıyn kóbeıip barady. Basqasy basqa, baspana máselesi meniń erekshe nazarymda. Turǵyn úı baǵdarlamasyna shuǵyl arada ózgeris kerek. Ázirge baıaǵy jartas - sol jartas.
Conymen qatar, depýtat ózi qabyldaǵan qoǵam ókilderiniń san-calaly shaǵymyn jiktep ótti. Onyń aıtýynsha, arasynda máselesi óte kúrdeli adamdar ǵana emes, bos júrgen jandar da bar.
- Jeke qabyldaýda budan bólek, birnesheýi kredıt jabýdy surasa, endi biriniń armany shetelde qydyrý boldy. Keıbiri mindet qylyp, dál qazir 5 mıllıon teńge taýyp ber dep ózime urysyp ketti. Taǵy biraz adam alaıaqtardyń qurbany bolyp, 15-20 jyl buryn bergen aqshalaryn qaıtara almaı júr. Onyń qaıtýy da endi ekitalaı. Bir apam bolsa, kórshisimen sottasýda. Boqtady dep sotqa bergen. Taǵy bir jan kórshimniń salǵan úıi meniń jerimnen 3 metr aýlaq bolý kerek dep keldi. 3 adam múlde problema joq, tipti, ne istep júrgenin bilmeıdi. Jaı ishimdegimdi sizge aıtqym keldi deıdi, - dedi depýtat.
Dáýlet Muqaev
QR Parlamenti Májilisiniń depýtaty
"Adyrna" ulttyq portaly
