Qaraǧandy oblysynda auyl şaruaşylyǧy qarqyndy damyp, öŋırdıŋ azyq-tülık qauıpsızdıgın qamtamasyz etuge erekşe nazar audaryluda. Agrarlyq sektorǧa salynǧan investisiia kölemı ekı esege ösıp, 44 milliard teŋgege jettı. Biyldyŋ özınde 18 joba ıske qosylǧan. Būl turaly oblys äkımı Ermaǧanbet Bölekpaev Prezident janyndaǧy Ortalyq kommunikasiialar qyzmetınde ötken brifingte aitty.
– Baǧanyŋ ösuın tejeu üşın jergılıktı öndıruşılermen forvardtyq kelısımşarttar jasasyp, nan pısıru käsıporyndaryn qoldap, äleumettık pavilondar aşyp jatyrmyz. Onda fermerler öz önımderın deldalsyz, tegın berılgen sauda oryndarynda tıkelei sata alady. Bır pavilon aşyldy, taǧy ekeuınıŋ qūrylysy jürıp jatyr. Būl – qala tūrǧyndary üşın sapaly ärı qoljetımdı önım alu mümkındıgı, al fermerler üşın ötkızu naryǧyn keŋeituge jol aşatyn tiımdı alaŋ, – dedı öŋır basşysy.
Äkımnıŋ aituynşa, oblysta egıs alqaptaryn ärtaraptandyru jūmystary jürgızılude. Biyl azyqtyq daqyldardyŋ kölemı 30 paiyzǧa artsa, maily daqyldar alqaby ekı esege ūlǧaiǧan.
Öŋırde süt önımderıne degen ışkı sūranysty jabu basty maqsattardyŋ bırı bolyp otyr. Nūra audanynda 1100 basqa arnalǧan süt-tauarly ferma ıske qosylyp, jylyna 9 myŋ tonna süt öndıredı.
Al Osakarov audanynda 6 myŋ basqa arnalǧan ırı ferma salynuda, ol jyl saiyn 55 myŋ tonna önım öndırudı qamtamasyz etedı.
Ermaǧanbet Bölekpaev Saumal Biotech käsıpornyn mysal retınde keltırıp, onyŋ bie men tüie sütınen jasalatyn liofildengen qospalar men mal azyǧyn öndıretının atap öttı.
– Ötken jyldan bastap būl zauyt önımın AQŞ-qa eksporttap, Qytaimen de serıktestık ornatty. Būl – qazaqstandyq önımnıŋ şeteldık naryqta bäsekege qabılettı ekenın jäne joǧary sūranysqa ie ekenın däleldeidı, – dedı aimaq basşysy.
Jalpy, agroönerkäsıptık sektorda 47 milliard teŋgege 31 joba jüzege asyrylmaq, sonyŋ nätijesınde 300-ge juyq jaŋa jūmys orny aşylady.
