Qaraǵandy oblysynyń Qarqaraly aýdanyndaǵy Quıryqtykól ýchaskesinde sırek jer metaldarynyń mol qory bar perspektıvaly aımaqtar anyqtaldy, dep habarlaıdy "Adyrna" ulttyq portaly "entrgeolsemka" JShS-ne siltep.
2022-2024 jyldarǵa arnalǵan memlekettik baǵdarlama aıasynda júrgizilgen geologııalyq barlaý jumystary nátıjesinde shamamen mıllıon tonnaǵa jýyq sırek jer elementteri bar birneshe aımaq tabyldy. Onyń ishinde eń perspektıvalysy retinde Yrǵyz jáne Dos 2 aýdandary ataldy. Munda sırek jer elementteriniń jalpy mólsheri 0,1%-dan joǵary, al keıbir úlgilerde 0,25%-dan asyp otyr.
Geologııalyq zertteýler barysynda Yrǵyz aýdanyndaǵy aldyn ala eseptelgen qor shamamen 800 myń tonna sırek metaldardy quraıtyny anyqtaldy. Sonymen qatar, burǵylaý uńǵymalary ken shoǵyrlarynyń túbine jetpegendikten, naqty qor odan da kóp bolýy múmkin degen boljam jasalyp otyr.
Zertteýlerdiń shekteýli kólemine baılanysty "entrgeolsemka" JShS óz qarajaty esebinen qosymsha saraptamalar júrgizip, sırek jer elementteriniń qoryn aldyn ala baǵalaýǵa múmkindik aldy. Nátıjesinde Quıryqtykól ýchaskesiniń barlyq derlik aýmaǵyn qamtıtyn jańa perspektıvaly aımaq – Jańa Qazaqstan anyqtaldy. Bul aımaqtyń boljamdy qory 20 mıllıon tonnadan asýy múmkin, al sırek jer elementteriniń ortasha mólsheri shamamen 700 g/t dep baǵalanyp otyr.
Qazaqstanda sırek jer elementteriniń mundaı shoǵyrlanǵan ken oryndary buryn-sońdy tirkelmegen. Bul jańa ónerkásiptik tıp retinde qarastyrylyp, elimizdi sırek metaldardyń álemdik qory boıynsha jetekshi orynǵa shyǵarý múmkindigine jol ashady.
Sırek jer metaldarynyń óndirisi joǵary tehnologııalyq salalardy damytýǵa yqpal etip, óńirdiń ekonomıkalyq ósimi men ınvestıııalyq tartymdylyǵyn arttyrýǵa septigin tıgizedi. Qazirgi tańda kendi baıytý tehnologııasyn jetildirý jáne baǵaly komponentterdi óndirý boıynsha qosymsha zertteýler júrgizilýde.
