Bügın Astanada ötken «Ürker-2025» ūlttyq syilyǧynyŋ marapattau räsımınde jyldyŋ üzdık jaŋalyqtar portaly ataǧyn «Adyrna» ūlttyq portaly ielendı.
Biyl baiqau 11 nominasiia boiynşa öttı. Baiqauǧa elımızdıŋ tükpır-tükpırınen 400-den astam jurnalist pen aqparat qūraldary ötınım joldaǧan. Üzdık jūmystardy belgılı jurnalister men mediamenedjerlerden qūralǧan täuelsız komissiia ırıktedı. Nätijesınde şort-listke 44 ümıtker engen edı.
Jyldyŋ üzdık jaŋalyqtar portaly ataǧyna laiyqty dep tanylǧan "Adyrnanyŋ" negızın qalauşy Arman Äubäkır äleumettık jelıdegı paraqşasynda öz lebızın jazǧan. «Adyrna» redaksiiasy būl jetıstıkke qol jetkızuge sebepker bolǧan barşa oqyrman qauymǧa şynaiy alǧysyn bıldıredı. Sızderdıŋ tūraqty nazarlaryŋyz ben qoldaularyŋyz – bızdıŋ eŋ ülken jetıstıgımız", - degen ol.
Al marapattau räsımınde söilegen sözınde Arman Äubäkır 15 jyldan berı jūmys ıstep kele jatqan "Adyrnanyŋ" qiyndyqtarǧa tötep bere otyryp, komandanyŋ arqasynda osyndai jeŋıske jetkenın atap körsettı. Arman Äubäkır körsetılgen barşa qoldauǧa alǧys bıldıretının jetkızgen.
«Ürker» syilyǧy — otandyq jurnalistikanyŋ bedeldı marapattarynyŋ bırı. Onyŋ maqsaty — qoǧamnyŋ damuyna üles qosqan, sapaly ärı özektı aqparat taratqan jurnalister men būqaralyq aqparat qūraldaryn qoldau jäne tanymal etu.
Biylǧy jeŋımpazdar tızımı:
● Jyldyŋ üzdık portaly – «Adyrna» ūlttyq portaly.
● Äleumettık taqyryptaǧy üzdık material – Tamara Vaal (Vlast.kz).
● Üzdık öŋırlık BAQ – «Astana aqşamy» gazetı.
● Jyldyŋ üzdık jurnalistık zertteuı – Maira Erǧali («Atyrau» gazetı).
● Jyldyŋ üzdık sūhbaty – Bauyrjan Karipov (Qaz365.kz).
● Radiostansiiadaǧy üzdık joba – «Nysana» («Şalqar» ūlttyq radiosy).
● Jyldyŋ üzdık fotosuretı – İgor Burgandinov («Kazahstanskaia pravda»).
● Jyldyŋ üzdık podkasty – Qstar Group.
● Jyldyŋ üzdık YouTube-arnasy – «Eksperty KZ».
● Jyldyŋ üzdık reportajy – İvan Suhorukov (Tengrinews.kz).
● Jyldyŋ üzdık analitikalyq materialy – İlia Paşenko («Kazahstanskaia pravda»).
Sonymen qatar, QR Ortalyq kommunikasiialar qyzmetınıŋ direktory Asqar Omarov arnaiy nominasiia – «Jūmysşy mamandyqtary jylyna arnalǧan syilyqty» Zakon.kz redaksiiasyna tapsyrdy.
Arnaiy jüldeler:
● «Ürker» ūlttyq baiqauynyŋ arnaiy syilyǧy – «Kazahstanskaia pravda» gazetı.
● «Ürker – 2025» arnaiy jüldesı – «Kazinform» halyqaralyq aqparat agenttıgıne berıldı.
