"Adyrna" ulttyq portalynyń ıýtýb arnasynda kezekti suhbat jaryq kórdi. Bul joly "Ulttyq ıdeologııa jáne ulttyq qundylyqtar" taqyrybynda fılosof pen ulttyq aspaptar sheberi pikirtalasyp, sońǵy 30 jylda qoǵamda óris alǵan jaǵdaıdy talqylady.
Fılosof Ábdirashıt Bákiruly:
Ulttyq ıdeıa - ulttyq arman. Ár halyq armansyz ómir súre almaıdy. Al ulttyq ıdeologııa memlekette atqarylatyn taktıkalyq kórinis. Kez kelgen memleket óz halqynyń ıdeıasyn ıdeologııa arqyly júzege asyrady.
Etnodızaıner, sýretshi, sheber Almas Serikuly:
Qazaqstan táýelsizdigin búgin alǵan joq. Eski jáne jańa Qazaqstan dep bólip jatyr. Áıteýir biz burynǵy bir memleketpiz. Biraq saıası júıeniń aýysýyna qaraı shartty ataýlar berilip jatyr. 30 jyldyń ishinde biz sony isteı aldyq pa? Ózimizdiń ulttyq ıdeologııamyzdy qalyptastyra aldyq pa? Qalyptaspady. Biraq qalyptaspaýyna kimder múddeli boldy? Sondaı nárseler bar
Sonymen qosa urpaq tárbıesi, salt-dástúr jáne oǵan ýaqyt aǵymymen engen ózgerister jaıy aıtylady. Spıkerler genderlik ahýal, dinı másele, bilim men ǵylymdy damytýdyń sıpaty týraly da pikir almasqan. Olar qalyptasqan keıbir jaǵdaılardy retteýge óz usynystaryn da bildirip, máseleni sheshý joldaryn taldaıdy.
