Almatyda «Qazaqstan» teleradıokorporaııasy men «BEU» radıosynyń «Beu Awards-2023» zamanaýı mýzyka júldesiniń jeńimpazdaryn marapattaý sharasy ótti.
Sharada Darkhan Juzz atymen tanymal bolǵan qazaqstandyq mýzykant Darhan Júnisbekovtyń«Aue» albomy «Úzdik albom» atandy. Júlde ánshiniń otbasy múshelerine tabystaldy. «Aue» - «Ozen» mýzykalyq leıbliniń qoldaýymen jaryqqa shyqqan ánshiniń aıaqtalmaı qalǵan jobasy.
Odan bólek, Marhaba Sábıdiń «Tym bólek» áni «Úzdik án», Aqerke Amalıattyń oryndaýyndaǵy Erbolat Qudaıbergenovtyń «Men qazaqpyn» áni televızııalyq júldeniń «Úzdik kaver» atalymyn ıelendi. «Úzdik oryndaýshy» nomınaııasy «Tumandaý» áni úshin ánshi Aırıge jáne «Asyqpa» áni úshin Mona Songz atymen tanymal otandyq ánshi Manarbek Jumataıǵa berildi. «Ninety One» toby júldeniń «Úzdik top» atalymy boıynsha marapattaldy.«Bári óz qolyńda» qazaqstandyqfılminiń saýndtregi- Mıras Júginisovtyń oryndaýyndaǵy «Saıahat» áni «Úzdik saýndtrek» atalymy boıynsha daýys berýshiler yqylasyna ıe boldy.
«Orda» tobynyń múshesi, ánshi, prodıýser Erbolat Bedelhan men «Ozen» mýzykalyq leıbliniń negizin qalaýshy Aızatýlla Hýsseın uıymdastyrýshylar tarapynan júldeniń «Qazaqstan zamanaýı mýzykasynyń damýyna qosqan úlesi úshin» jańa atalymy boıynsha marapattaldy.
Jeńimpazdardy anyqtaý«BEU» radıosynyń tyńdarmandary arasynda áleýmettik jelilerde daýys berý arqyly júrgizildi. Júlde maqsaty – qazaq zamanaýı mýzyka ókilderi arasynda túrli janrlar men stıldi tanymal etý. «Qazaqstan» teleradıokorporaııasynyń beınemuraǵatynda dástúrli jáne zamanaýı án ókilderiniń «Altyn qory» saqtalǵan. Al «BEU» radıosynyń fonotekasynda zamanaýı mýzyka ókilderiniń 3000-ǵa jýyq týyndysy bar.
Jobanyń televızııalyq nusqasy jýyrda «Qazaqstan» arnasynyń efırinen kórsetiledi.
«Adyrna» ulttyq portaly
