Almatyda anasynyŋ köz aldynda jetı jastaǧy qyzdy qaǧyp, ölımge sebep bolǧan jük kölıgınıŋ jürgızuşısı 2 jyl 6 aiǧa bas bostandyǧynan aiyryldy, dep habarlaidy "Adyrna" ūlttyq portaly.
Qaiǧyly oqiǧa biyl 2 säuır künı Alatau audanynda bolǧan. Tergeu deregınşe, Renault markaly jük kölıgınıŋ jürgızuşısı Burundai köşesımen kele jatyp, "Jaŋa" köşesımen qiylysqan jerde jaiau jürgınşıler ötkelınen ötpek bolǧan balany qaǧyp ketken.
Äleumettık jelıde taraǧan beinejazbada qyzdyŋ joldy kesıp ötpek bolyp, avtobustyŋ ötıp ketuın kütkenı, bıraq jük kölıgınıŋ köru aimaǧyna tüspei qalǧany baiqalady. Oqiǧa balanyŋ anasynyŋ köz aldynda bolǧan. Äiel aiqailap, jolǧa jügırıp şyqqanymen, bärı keş bolǧan.
Alatau audandyq soty jürgızuşını QR Qylmystyq kodeksınıŋ 345-baby, 3-bölıgı boiynşa ("Jol qozǧalysy erejelerın būzu, abaisyzda adamnyŋ ölımıne äkep soqtyru") kınälı dep tanydy.
Sot şeşımımen aiypty 2 jyl 6 aiǧa bas bostandyǧynan jäne 5 jylǧa kölık jürgızu qūqyǧynan aiyryldy. Apelliasiialyq sot alǧaşqy ükımdı küşınde qaldyrdy, tek materialdyq şyǧyndy öteu bölıgınde azdaǧan özgerıs engızıldı.
Aita keteiık, marqūmnyŋ tuystary qazaǧa avtobus jürgızuşısın kınälaityny turaly habarlaǧan edık.
