Almatyda baraholkada ornalasqan "Eýrazııa" saýda úıiniń quryltaıshysy eshqandaı eskertýsiz saýda oryndaryn satyp jibergen. Saldarynan 60-qa jýyq adam tabys kózinen aıyrylýy múmkin. Bul týraly 31-arnanyń "Informbıýro"baǵdarlamasy jarııalady, dep habarlaıdy “Adyrna” ulttyq portaly.
Endi kásipkerler quqyq qorǵaýshylardyń áreketsizdik tanytqanyna narazy. Sózderinshe, tergeý uzaqqa sozylyp ketken
"Eýrazııa" saýda úıiniń ornynda ashyq bazar bolǵan, alaıda ol 2014 jyly órtenip ketken edi. Bul jaǵdaıdan keıin saýda úıiniń ıesi kásipkerlermen kelisimshart jasasyp, ǵımarat salǵan. Al ár kásipker kem degende 50 myń dollar aqsha salyp, býtıkke ıelik etetinin dáleldeıtin klýbtyq karta alypty. Alaıda 2022 jyly ózderine eshteńe tıesili emes ekenin kórsetetin hat alǵan.
"Árıne, ań-tań boldym. Sebebi jer telimin jalǵa alý merzimi bar, al merzim jyl saıyn jańartylyp, 31 jeltoqsanda aıaqtalady. Endi bizge eskertpe jiberipti, munda "Eýrazııa" JShS ıesiniń bizben kelisimshartty buzatyny aıtylǵan", – dedi zardap shekken kásipkerlerdiń biri Shahrızada Paltýsheva.
Keıinirek quryltaıshynyń saýdagerlerge eskertpeı nysandy 2022 jyldyń sáýirinde satyp jibergeni málim boldy. Endi jańa quryltaıshy kásipkerlerdi qosalqy jalgerlik boıynsha kelisim jasaýǵa májbúrlegen.
"Biz óz kúshimizben menshik ıesi quqyǵy jarty jyl ishinde toǵyz adamǵa ótkenin bildik. Muny ne úshin isteıdi? Sebebi baǵany túsirgisi keledi. Ǵımarattyń ózi 5 mıllıard teńge turady, al olar kelisimshartty 150 mıllıon teńgege jasaǵan", – deıdi advokat Tahır Madatov.
Kásipkerler jeltoqsanda aryz túsirgenimen, tek 3 aıdan soń ǵana jábirlenýshi dep tanylǵan. Onyń ústine kúdiktiler áli tergelmegen, salyq tekserisi júrgizilmegen deıdi. Qazir isti Almaty qalasy Alataý aýdanynyń polıııasy tergep jatyr.
"Búgingi tańda aýdan prokýratýrasynyń kómegimen O. esimdi azamatqa halyqaralyq izdeý jarııalaý máselesi sheshilip jatyr", – dedi Almaty polıııa departamentiniń resmı ókili Saltanat Ázirbek.
Saýdagerler tergeýdiń ádil júrip, óz quqyqtary qorǵalǵanyn talap etip otyr.
