الماتىدا اناسىنىڭ كوز الدىندا جەتى جاستاعى قىزدى قاعىپ، ولىمگە سەبەپ بولعان جۇك كولىگىنىڭ جۇرگىزۋشىسى 2 جىل 6 ايعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
قايعىلى وقيعا بيىل 2 ءساۋىر كۇنى الاتاۋ اۋدانىندا بولعان. تەرگەۋ دەرەگىنشە، Renault ماركالى جۇك كولىگىنىڭ جۇرگىزۋشىسى بۋرۋنداي كوشەسىمەن كەلە جاتىپ، "جاڭا" كوشەسىمەن قيىلىسقان جەردە جاياۋ جۇرگىنشىلەر وتكەلىنەن وتپەك بولعان بالانى قاعىپ كەتكەن.
الەۋمەتتىك جەلىدە تاراعان بەينەجازبادا قىزدىڭ جولدى كەسىپ وتپەك بولىپ، اۆتوبۋستىڭ ءوتىپ كەتۋىن كۇتكەنى، بىراق جۇك كولىگىنىڭ كورۋ ايماعىنا تۇسپەي قالعانى بايقالادى. وقيعا بالانىڭ اناسىنىڭ كوز الدىندا بولعان. ايەل ايقايلاپ، جولعا جۇگىرىپ شىققانىمەن، ءبارى كەش بولعان.
الاتاۋ اۋداندىق سوتى جۇرگىزۋشىنى قر قىلمىستىق كودەكسىنىڭ 345-بابى، 3-بولىگى بويىنشا ("جول قوزعالىسى ەرەجەلەرىن بۇزۋ، ابايسىزدا ادامنىڭ ولىمىنە اكەپ سوقتىرۋ") كىنالى دەپ تانىدى.
سوت شەشىمىمەن ايىپتى 2 جىل 6 ايعا باس بوستاندىعىنان جانە 5 جىلعا كولىك جۇرگىزۋ قۇقىعىنان ايىرىلدى. اپەللياتسيالىق سوت العاشقى ۇكىمدى كۇشىندە قالدىردى، تەك ماتەريالدىق شىعىندى وتەۋ بولىگىندە ازداعان وزگەرىس ەنگىزىلدى.
ايتا كەتەيىك، مارقۇمنىڭ تۋىستارى قازاعا اۆتوبۋس جۇرگىزۋشىسىن كىنالايتىنى تۋرالى حابارلاعان ەدىك.
