Jurnalist İlia Astahov «Bastau» qorynyŋ qymbat kölıkterı jiı jol erejesın būzǧanyn anyqtady, dep habarlaidy "Adyrna" ūlttyq portaly Exclusive.kz-ke sıltep.
BAQ-ta taraǧan mälımetke säikes, ordyŋ jalǧyz qūryltaişysy – Qazaqstannyŋ būrynǧy prezidentı Nūrsūltan Nazarbaev.
Astahovtyŋ aituynşa, qordyŋ naqty nemen ainalysatyny belgısız, alaida onyŋ balansynda jalpy qūny şamamen 800 mln teŋge tūratyn liuks avtokölıkter bar. Sondai-aq, qor kölıkterıne 45 äkımşılık qūqyqbūzuşylyq hattamasy tırkelgen. Onyŋ 44-ı – jol qozǧalysy erejesın būzu ekenı belgılı boldy.
Qor avtoparkıne Chevrolet Tahoe, Nissan Patrol, Mercedes-Benz S450 4MATIC, Lexus LX 570, Cadillac Escalade, Tesla Model X, üş Toyota Land Cruiser Prado jäne bır Land Cruiser 250, Audi A6, KIA Optima, Toyota Camry jäne BYD Song Plus kıredı.
Tırkelgen zaŋbūzuşylyqtar qatarynda jyldamdyqty asyru, avtobustarǧa arnalǧan jolaqqa şyǧu, qyzyl jaryqtan ötu jäne aqyly tūraq aqysyn tölemeu bar. Eŋ köp ereje būzǧan kölık retınde aq tüstı Toyota Land Cruiser Prado tırkelgen. Atalmyş kölıkke toǧyz hattama räsımdelgenı anyqtaldy.
Al Chevrolet Tahoe kölıgı jiı prezidenttık rezidensiia maŋynda, Astana-Qaraǧandy trassasynda baiqalǧan.
Astahovtyŋ deregınşe, zaŋbūzuşylyqtardyŋ köpşılıgı Nazarbaevtyŋ elordada bolǧan uaqyttarymen säikes keledı. Negızgı bölıgı 2024 jylǧy qazan–qaraşa jäne 2025 jylǧy mausym–şılde ailaryna tiesılı. Būl kezeŋderde eks-prezident Astanaǧa AES qūrylysy jönındegı referendumǧa jäne meşıtke sapary kezınde kelgen.
