Qazaqstan prezidentı Qasym-Jomart Toqaev 16 qaraşada Almaty jūrtşylyǧymen kezdesuınde jer sılkınısın däl boljau jäne aldyn ala eskertu qala üşın öte maŋyzdy dedı, dep habarlaidy «Adyrna» tılşısı.
Toqaev 2025 jylǧa deiın 28 seismikalyq stansiiany ornatudy aiaqtaudy, keiınnen olardy Qyrǧyzstannyŋ erte habarlau jüiesımen bırıktırudı tapsyrdy.
«Qalada tötenşe jaǧdailar turaly dauystyq habarlamalardy jıberu mümkındıgı bar bırıktırılgen eskertu jüielerı jūmysyn jolǧa qoiu kerek. Būl jūmysta ülken derekter qoldanylady», - dedı Qasym-Jomart Toqaev.Ol üşın äkımdık jaǧdaiattar ortalyǧynyŋ qyzmetın tolyq ıske qosuy qajet. Ol beinebaqylau jüielerınen, jol qozǧalysynan, qoŋyrau şalu belsendılıgınen jäne äleumettık infraqūrylymnan alynǧan derekterdı bırıktıruı kerek, dep qosty Prezident.
«Qalanyŋ «sifrlyq egızın» qūru ideiasy aqparattyq tehnologiialar salasyndaǧy zamanaui trendterge jäne ozyq halyqaralyq täjıribege säikes keledı», - dedı Prezident.Qyrküiek aiyndaǧy Joldauymda är qalaǧa jer telımderı men injenerlık jelılerdıŋ funksionaldyq interaktivtı kartasyn jasaudy tapsyrdym.
«Almatyda būl būiryq«sifrlyq egızdı»damytu jäne qalanyŋ Bas josparyn tüzetu aiasynda jüzege asyryluda. Būl jobalar bır-bırımen bailanysta jüzege asyrylatyn jüielı közqarastyŋ jaqsy ülgısı. Jalpy, būl menıŋ jaqyn bolaşaqtaǧy qalany damytudyŋ negızgı basymdyqtaryna degen közqarasym», - dep tüiındedı sözın Memleket basşysy.Barlyq belgılengen tapsyrma men joba bırınşı kezekte almatylyqtardyŋ ömır süru sapasyn jaqsartuǧa, ekonomikalyq äleuetın nyǧaituǧa jäne qalanyŋ tartymdylyǧyn arttyruǧa baǧyttalǧan. Būl mındetterdıŋ oryndaluy Qasym-Jomart Toqaevtyŋ erekşe baqylauynda bolady.
Ūqsas jaŋalyqtar
