Memleket basshysy Qasym-Jomart Toqaevtyń pármeni boıynsha 2025 jyly 800 bala zamanaýı mektepke bilim alýǵa tıis. Búgingi tańda bul tapsyrmanyń alǵashqy legi Almaty qalasynda oryndalyp bastaldy, dep jazdy «Adyrna» tilshisi.
Almaty qalasy Alataý aýdanynyń «Botakóz-2» yqsham aýdanynda jáne Naýryzbaı aýdanynyń «Dostyq» shaǵyn aýdanynda bir aýysymda árqaısysy 1500 oqýshynyń bilim alýyna múmkindik beretin №208 jáne 209 mektep-gımnazııasy ashyldy (mektepterde eki aýysym boıynsha oqytylady).
Naýryzbaı aýdanynda ornalasqan №208 mektep-gımnazııasyndaǵy 37 synypta 960 adam oqymaq. Sabaqtar qazaq tilinde júrgiziledi.
№ 209 mektep (Alataý aýdany) 2851 oqýshyǵa arnalǵan, munda 109 synyp bar. Mektepte sabaqtar qazaq jáne orys tilinde júrgiziledi.
Jańa mektepter tıptik jobalar boıynsha salynbaǵan. Jobalaý kezinde bilim oshaqtaryna qoıylatyn jańa standarttar arnaıy ázirlenip, qabyldandy. Olar zamanaýı sáýletimen, jan-jaqty oılastyrylǵan keńistik dızaınymen, keń synyptary jáne qoǵamdyq keńistigi bar ergonomıkalyq ıntererimen erekshelenedi.
Mektepterdiń oqý kabınetteri ınteraktıvti panelmen, SMART taqtamen jáne zamanaýı úlgidegi jıhazben jabdyqtalǵan. Sport zaldardyń tóbesi men qabyrǵasy dybys ótkizbeıtin panelmen qaptalǵan, bul sporttyq is-shara ótkizý kezinde óte yńǵaıly, dybysty oqshaýlaıdy.
Balalardyń qaýipsizdigin qamtamasyz etý úshin mektepter Face ID qaýipsizdik júıesimen jabdyqtalǵan. Ata-analar balalarynyń mektepke kirip-shyqqanyn bilip otyrady.
