Bügın, 10 nauryz - qazaq kinosynyŋ jaryq jūldyzy, "Qyz Jıbek" filımı arqyly küllı qazaqqa tanylǧan akter Qūman Tastanbekovtyŋ tuǧan künı.
Qūman Nūrmaǧanūly Tastanbekov 1945 jyly 10 nauryzda Almaty oblysy Sarqant audany Ekıaşa auylynda düniege kelgen. Akter, QR-nyŋ halyq artisı (1993 j.). 1969 jyly Almaty memlekettık öner institutynyŋ (qazırgı Qazaq ūlttyq konservatoriiasy) akterlık fakultetın (ūstazy – professor H.Bökeeva) bıtırgen soŋ, Qazaqtyŋ memlekettık akademiialyq drama teatrynyŋ qūramyna qabyldandy. Onyŋ alǧaş oinaǧan rölı – “Qyz Jıbek” filmındegı Tölegen (1970 j.). Būdan keiın “Qys – mazasyz mausym”, “Aǧam menıŋ”, “Erekşe kün”, “Aqqular ūşyp keledı”, “Mahabbat jaŋǧyryǧy”, “Aǧama arnalǧan qalyŋdyq”, “Qaraşa qazdar qaitqanda”, “Provinsiialyq hikaia”, “Alaŋ şetı”, “Örnek”, t.b. filmderıne tüstı.
Ol teatr sahnasynda Qasym, Qūlbek (Ş.Aitmatov, “Ana – Jer-ana” men “Aq kemesı”), Älıbek, Narşa, Abyz (M.Äuezov, “Aiman – Şolpan”, “Qaragöz” ben “Eŋlık – Kebek”), Täŋırbergen (Ä.Nūrpeiısov, “Qan men ter”), Jan (O.Bökeev, “Qūlynym menıŋ”, Qazaqstan Lenin komsomoly syil., 1976), Aidar (Äuezov pen L.S. Sobolev, “Abai”), Mazdaq (M.Şahanov, “Senım patşalyǧy”), Orest (L.Diurko, “Elektra, süiıktım menıŋ”), Floridor (F.Erve, “Tülkı bikeş”), Farhad (Nazym Hikmet, “Farhad – Şyryn”), t.b. sekıldı är aluan rölderdı somdady.
«Qūrmet» ordenımen marapattalǧan. Qazaqstan Lenin komsomoly syilyǧynyŋ iegerı.
https://youtu.be/ZVmU-39-zy8
Ūqsas jaŋalyqtar
