Elordada «Menıŋ elım – menıŋ tuym!» chellendjı aiasynda qala tūrǧyndary 1000-nan astam tu ıldı. Būl turaly elorda äkımdıgınıŋ resmi saity jazdy, dep habarlaidy «Adyrna» ūlttyq portaly.
Respublika künın merekeleu qarsaŋynda elorda tūrǧyndary «Menıŋ elım – menıŋ tuym!» chellendjın ötkızdı. Astananyŋ 5 audanynda terezeler men balkondarǧa jäne köşe boiyna 1000-ǧa juyq tu ılındı. «Astana jastary» erıktılerı memlekettık rämızdı därıpteu boiynşa alǧaşqylardyŋ bırı bolyp ülken aksiiany bastady. Instagram jelısınde olar qazaqstandyqtardy özderınıŋ tumen tüsken foto/videolaryn jariialauǧa jäne #RepublicDay #RespublikaKünı #kzdayrepublic heştegımen belgıleuge şaqyrdy. Erıktılerdıŋ aituynşa, patriottyq şara jyl saiyn ötkızıledı. Būl tek bezendırılgen üilerdıŋ tūrǧyndarynyŋ ǧana emes, elorda köşelerımen ötıp bara jatqan adamdardy da quanyşqa böleidı. Astanalyqtar būl bastamany jyly qabyldap, aksiiaǧa qosyldy.«Mūndai körınıs erekşe äser beredı. Jūmysqa bara jatqanda osy körınıske köz jügırtıp, erıksız köŋıl küiım köterıledı. Menıŋ oiymşa, adamdardy kündelıktı küibeŋ tırlıkten alşaqtatyp, oiyn bölu kerek», – dep bölıstı Astana tūrǧyny Tamara Suvorina.Aita keteiık, qalanyŋ ortalyq köşelerınde (Täuelsızdık, B.Momyşūly daŋǧyldary, Saraişyq, Syǧanaq, Dostyq köşelerı, Respublika, Ūly dala daŋǧyldary jäne t.b.) jol boiynda QR tulary ılıngen. Jalpy Astana qalasy boiynşa myŋnan astam tu ılındı. Aksiia jalǧasuda.
«Adyrna» ūlttyq portaly
Ūqsas jaŋalyqtar
