Sot būiryǧyn oryndau kezınde bes adam, onyŋ ışınde ekı polisiia qyzmetkerı qaza tapty, dep habarlaidy "Adyrna" tılşısı.
Almatydaǧy atysqa qatysty qalanyŋ PD resmi jauap berdı.
"Bügın, 2021 jyly 20 qyrküiekte, keşkı saǧat 17:00 şamasynda Almatynyŋ Alatau audanyndaǧy Aqbūlaq yqşam audanynda qaiǧyly oqiǧa boldy. Jeke üilerdıŋ bırınde köşıru turaly sot ūiǧarymyn oryndau barysynda osy üidıŋ tūrǧyny - 1967 jyly tuylǧan azamat D. agressiia tanytyp, sot oryndauşylaryna, uchaskelık polisiia inspektorlaryna, TJM qyzmetkerlerıne atys qaruymen oq jaudyrdy. Kezekşılıkte bolǧan bes adam, onyŋ ışınde ekı polisiia qyzmetkerı oqtan jaraqat alyp, qaitys boldy. Oryn alǧan qaiǧyly oqiǧaǧa bailanysty köŋıl aitamyz. Qylmysker ūstaldy. Qazırgı uaqytta jaǧdai baqylauda. Qylmystyq ıs qozǧaldy. Tergeu şaralary jürgızılude", dedı Almaty qalasynyŋ PD baspasöz qyzmetı.Öltırılgen polisiia qyzmetkerlerı turaly mälımetter: Alatau audany OMPS ÖP uchaskelık inspektory, polisiia maiory Suleev Darhan Dauylbaevich, 1982 j.t. Alatau oblysy OMPS UE uchaskelık inspektory, polisiia kapitany Baiǧaziev Nūrbol Nazarbaevich, 1988 j.t. "Adyrna" ūlttyq portaly ūjymy qaza tapqandardyŋ otbasyna qaiǧyryp köŋıl aitady!
"Adyrna" ūlttyq portaly
Ūqsas jaŋalyqtar
