Qazaqstanda 12 nauryzdan bastap Äkımşılık qūqyq būzuşylyq turaly kodekstıŋ 31-babyna engızılgen özgerıster küşıne enedı, dep habarlaidy "Adyrna" ūlttyq portaly Polisia.kz-ke sıltep.
Būl turaly Qazaqstannyŋ ışkı ıster ministrlıgı mälımdedı.
Vedomstvonyŋ tüsındıruınşe, özgerıster «Sifrlyq kodeks» aiasynda qabyldanǧan jäne olardyŋ negızgı maqsaty – zamanaui tehnologiialardy qoldanu arqyly jol qauıpsızdıgın arttyru jäne qūqyq būzuşylyqtardyŋ aldyn alu.
IIM ökılderı jaŋa tyiymdar engızılmeitının atap öttı. Özgerıster tek būrynnan bar qūqyq būzuşylyqtardy anyqtau täsılderın jetıldıruge baǧyttalǧan.
"Būǧan deiın keibır būzuşylyqtardy tek polisiia qyzmetkerlerı anyqtasa, endı olardy zamanaui tehnikalyq qūraldar arqyly tırkeuge bolady. Zaŋ talaptary özgermeidı, tek tırkeu ädısterı jaŋartylady", – dedı IIM Äkımşılık polisiia komitetınıŋ erekşe tapsyrmalar jönındegı aǧa inspektory Aqtoty Boranova.
Jaŋaşyldyqtarǧa säikes, qūqyq būzuşylyqtardy tırkeudıŋ üş täsılı qarastyrylǧan.
Alǧaşqysy qoldanystaǧy beinebaqylau kameralary bolsa, ekınşı avtomatty tırkeu jüielerı. Iаǧni, rölde telefon paidalanu nemese qauıpsızdık beldıgın taqpau faktılerın anyqtai alady.
Sonymen qatar, eskertu türınde qarastyrylǧan keibır qūqyq būzuşylyqtar boiynşa jüie avtomatty türde eskertu şyǧara alady.
